Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برطانیہ دا انصاف نال کھلواڑ۔ الطاف حسین نوں رقماں دی واپسی۔ گڈطالبان

برطانیہ دا انصاف نال کھلواڑ۔ الطاف حسین نوں رقماں دی واپسی۔ گڈطالبان

وچار ڈیسک
March 22nd, 2017

الطاف حسین دا مقدمہ برطانیہ دی بے انصافیاں دی تواریخ وچ اک ہور اضافہ جے۔ ویسے تے براؤن صاحباں وچ کجھ ’’خان‘‘ رہ گئے نیں جیہڑے برطانیہ دے انصاف نوں چکدے نیں اتے دن رات انہاں دی عظمتاں دا سانوں یقین دواندے نیں۔ پر جنج برطانیہ دی پلس، ایجنسیاں تے حکمراناں الطاف حسین بارے پچھلے 3 سالاں وچ یوٹرن لتے اوہ اندر دی گل کھولن لئی کافی نیں۔ صاف نظر آندا ہے پئی اوس کولوں 22 اگست جہی تقریراں کروانا وڈا ٹیچا سی جس پاروں کدی عمران فاروق قتل دی تفتیشاں ہوندیاں سن، کدی لوکل پلس دے افسرمیڈیا تے بیان دیندے سن، کدی برطانیہ دا داخلہ وزیر آکے مذاکرے کردا سی، کدی بی بی سی تے لمیاں لمیاں خبراں تے فلماں چلدیاں سن، چھاپے الطاف اینڈ کمپنی تے وادھو پیندے سن اتے رقماں وی بر آمد ہوندیاں سن۔ جداں الطاف انہاں دی گلاں من لتیاں تاں اج خبر ہے پئی سرکار انگاشیہ الطاف تے مرچنٹ نوں انہاں دے ڈھائی لکھ پونڈ یعنی ساڈھے 3 کڑوڑ روپے واپس کردتے نیں۔ ایہہ رقم میٹرو پولیٹن پلس نے پھڑیچی سی اتے ایس دا تعلق ات گردیاں تے منی لانڈرنگ نال جوڑیا سی۔ جداں الطاف حسین اپنی خدمات دا سودا کرلتا تاں کراؤن پراسیکویشن سروسز آکھ دتا پئی الطاف خلاف ثبوت پورے نہیں۔پلس، ایجنسیاں،سیاستدان تے میڈیا سب ایس کم وش برطانوی نفاداں دے راکھیاں دا کردار ادا کیتا۔ منی لانڈرنگ تے ات گردیاں نوں کنج وڈے ملک اپنے مفاداں پاروں ورتدے نیں الطافی کیس ایس دا وڈا ثبوت۔ الطاف بعدوں ہن لندن والے اپنا نواں ’’گھوڑا‘‘ پاکستانی میداناں وچ لاچکے نیں۔ پاکستانی پالیسی سازاں نوں ایس بارے سوچنا ہوسی۔ جیہڑے لوک لندن تے گوریاں دے انصاف دی اج وی دہائیاں دیندے نیں اوہ الطافی کیس بارے ’’دروٹی‘‘ بیٹھے نیں۔جدان تساں ات گردیاں تے منی لانڈرنگ نال کھیڈو گے تاں ایہہ بماریاں انہاں ملکاں دے اندر وی پنگردیاں نیں اتے ایہو کجھ اج کل یورپ وچ ہو رہیا ہے اتے برطانیہ ایس توں وکھ نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels