Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فرانس صدارتی امیدواراں وچ ملاکڑا: تارکین وطن، اسلام تے یوپی یونین بارے گلاں

فرانس صدارتی امیدواراں وچ ملاکڑا: تارکین وطن، اسلام تے یوپی یونین بارے گلاں

وچار ڈیسک
March 22nd, 2017

اگلے مہینے فرانس وچ ہون والی صدارتی چوناں لئی پہلا ٹی وی ملاکڑا ہویا جس وچ 5 صدارتی امیدواراں رلت کیتی۔ ایس بحث وچ جہناں مسلیاں تے زیادہ گل بات ہوئی انہاں وچ تارکین وطن، اسلام تے یورپی یونین توں علیحدگی نمایاں سن۔روسی ٹی وی نے ایس نوں چوکھی کوریج دتی۔پورے یورپ وچ ایہہ وڈا ایشو ہے اتے انہاں تناں مسلیاں وچ اک تال میل وی ہے جس نوں ساڈے ایتھے بہوں سارے دانشور اپنا اپنا مطلبی رنگ دیندے نیں۔ فرانس وچ اک مہینے بعد ووٹ پین گے اتے 26 اپریل توں پہلاں اجہے ملاکڑیاں دی اپنی اہمتیاں نیں۔ سجے پکھ دی لیڈر اتے نسلی قوم پرستاں دی حامی ’’لی پن‘‘ نے یورپی یونین نوں چھڈن بارے گل کیتی۔ اوہ ’’سب توں پہلے فرانس‘‘دی گل کردی ہے جس دا مطلب نسلی قوم پرستاں دی حکومت ہے۔ہن تساں سمجھ سکدے ہو پئی ’’لئی پن، ٹرمپ توں مودی‘‘ تیک ’’نیا بھارت‘‘ تے ’’سب توں پہلاں امریکہ‘‘ تے بریگسٹ والے کون نیں۔ ایہہ لوک برطانیہ وانگ ہن Frexit دے حامی نیں اتے تارکین وطن نوں کڈہنا چاہندے نیں تے سارا الزام باہرلیاں تے لاندے نیں۔ اک ہور امیدوار اعمانیول میکرون دا آکھنا ہے پہلاں فرانسیاں نوں Brexit والیاں دا انجام ویکھ لینا چاہیدا ہے۔ پر تارکین وطن دے سوال تے لی پن تے میکرون دی اک زبان ہے اتے اوہ تارکین وطن نوں وڈا عذاب آکھدے نیں۔ ایس ملاکھڑے وچ تریجا وڈا سوال اسلام دے حوالے نال سی اتے لی پن دا آکھنا سی اسلام ساڈے فرانس نوں خراب کررہیا ہے اتے اساں ایس دی اجازتاں نہیں دے سکدے۔
حکمران سوشلٹ پارٹی دے صدارتی امیدوار بینوٹ ہامون ہوری تارکین وطن، اسلام تے یورپی یونین دے حوالے نال نسلی قوم پرستاں تے تنقیداں کیتیاں۔ انہاں آکھیا اج سانوں امریکہ اور روس توں سبق سکھنا چاہیدا ہے۔ ٹرمپ دی جت نال ساڈے ملک وچ وی اثر پیا ہے اتے ایس منفی اثر نوں مکاون لئی لوڑی دا ہے کہ فرانسیسی ٹرمپاں نوں ووٹ نہ دین کیونجے ایہو فرانس دا وکھرا پن ہے جس وچ رنگا رنگیاں نوں اساں ہمش اپنایا ہے۔ فرانس وچ گیارہ امیدوار صدارتی چوناں وچ لڑ رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels