Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> انڈس واٹر کمیشن دا 13 واں اکٹھ: پاکستان ، انڈیاوچ برفاں پگھلنیا شروع

انڈس واٹر کمیشن دا 13 واں اکٹھ: پاکستان ، انڈیاوچ برفاں پگھلنیا شروع

وچار ڈیسک
March 21st, 2017

اسلام آباد: اج پاکستان تے بھارت ولوں انڈس واٹر کمشناں دے آگو اک تھاں اجلاس کررہے نیں۔ بھارت توں دس رکنی وفد پاکستان آیا ہے اتے ایہہ وفد ہفتہ نوں پاکستان اپڑ گیا سی۔ ایس وفد دی آگوائی پی کے سکسینا کررہے نیں۔ میڈیا نال گل بات کردے وفاقی وزیر خواجہ آصف آکھیا ہے پئی انڈس واٹر معاہدے تے گل بات کردے رہنا نہ صرف پاکستان تے بھارت دے مفاداں وچ ہے سگوں خطہ لئی وی ایہہ چنگی گل ہے۔ اج دے ایجنڈے وچ ایہہ گل رلتی سی پئی دونوں ملک ایس حوالے نال اک دوجے ملکاں وچ آن جاون اتے جیہڑیاں تھاواں ویکھنا چاہندے نیں اوہ وی ویکھ پرکھ لین۔ پاکستان بھارت توں فلڈ بارے ڈیٹا لین حوالے نال وی گل کیتی۔ دو سال بعدوں اج انڈس کمیشن دا اجلاس ہویا ہے پئی اخیری اجلاس 2015 وچ ہویا سی۔ بھارت توں آئے وفد نوں جی آیا نوں آکھدے ہوئے حکومت پاکستان نے امید ظاہر کیتی ہے پئی آئندہ گل بات تے تے بوہے کدی بند نہیں ہون گے۔ تانجے اساں مسلسل میٹنگاں پاروں انہاں مسلیاں نوں نبیڑ سکیے۔ دوجے پاسے پریس ٹرسٹ آف انڈیا ولوں وی وفد دے اک ممبر دا بیان آیا ہے جس وچ انہاں آکھیا ہے اساں پاکستان دے جائز مطالبیاں تے گل بات کررہے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels