Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> مودی دا بھارت:کسان مررہے نیں تے بھارت عالمی طاقت بنا چاہیدا ہے۔ (ویڈیو)

مودی دا بھارت:کسان مررہے نیں تے بھارت عالمی طاقت بنا چاہیدا ہے۔ (ویڈیو)

وچار ڈیسک
March 18th, 2017

ترقی وچ جے عام آدمی رلتی نہ ہوئے تاں فیر اوس ترقی دا مطلب اشرافیہ دی ترقی ہوندا ہے۔ ایہہ ویڈیو تسی آپ ویکھو لو۔ قحط پاروں لوک مررہے نیں، مرکزی تے صوبائی سرکار آپسی جھگڑیاں وچ رجھی جے ۔سیاسی جتھے بندیاں اک دوجے تے کرپشن دا الزام تے لاندیاں نیں پر دوجے پاسے وڈے ٹھیکے تے اسلحہ خریدن دے ہوندے نیں۔ایس وچ اسلحہ دے تاجر، بیوروکریسیاں مال بناندے نیں تے عام آدمی پسدا رہے۔تامل ناڈو بھارت دی دوجی وڈی اکانومی ہے اتے چنائی (مدراس) اوس دا وچلا شہر، پر آل دوال کساناں نال کیہ ہورہیا ہے ایس بارے کوئی گل نہیں کرنا چاہندا۔
کجھ شعبیاں وچ ایس صوبہ نے بہوں ترقی کیتی ہے اتے عورتاں دی وڈی گنتری سیکورٹی اداریاں وچ ہے جس دا مقابلہ بھارت دے باقی 28 صوبیاں وچوں کوئی نہیں کرسکدا۔ ایس ریاست وچ خواند گیاں دا تناسب وی بہوں زیادہ ہے اتے ایس ویڈیو وچ تساں کساناں نوں انگریزی بولدے وی ویکھ سکدے ہو۔ ایہہ صوبہ کانگرس تے بی جے پی مخالف سیاستدان چلا رہے نیں اتے 2016 دی چوناں وچ جے لیلیتا ہوراں دونوں جماعتاں دی تھاں اپنی جماعت نوں اک وار فیر جتوایا سی۔ اوہ ہن مرچکی ہے پر سرکار اوسے پارٹی دی ہے۔ دلی سرکار ایس صوبہ دے بہوں خلاف ہے اتے بھانویں دلی وچ کانگرس دی حکومت ہوئے یا بی جے پی دی، تامل ناڈو نال پھڈا ہی رہندا ہے۔ ایس دی اک تورایخی وجہ وی ہے کہ تامل ناڈو والے اپنے آپ نوں وادی سندھ دی دھرتی اتے دڑاو ڑاں نال جوڑ دے نیں۔تاملاں دا اک ہور وی مرنا ہے اتے انہاں دے بھرا بھارت توں پار سری لنکا وچ وی رہندے نیں۔1920توں1937تیک ایس صوبے نے کانگرس نوں وڑن نہ دتا تے پنجاب وانگ اپنی وکھری سرکاراں بنایاں۔ایہہ دڑاوڑاں دی جسٹس پارٹی بنائی بیٹھے سن ات انگریزی تے تامل زباناں نوں چلاندے سن۔1937وچ کانگرس دی سرکار بنی تے انہاں ہندی زبان لادتی۔کانگرسی وزارتاں ٹٹن بعدوں انہاں انگریز گورنر توں ایس نوں بحال کروا لتا۔1967 بعدوں ایتھوں کانگرس کدی نہیں جت سکی اتے اج وی دڑاور پارٹی دی سرکار ہے اتے بی جے پی وی ہندو اپیل دے باوجود ’’باہرلی‘‘ ہی ہے۔پر لوکاں دے مسئلے ایس گل داثبوت کہ تاملاں دی بنیاد تے سیاستاں کرنیاں ہور گل ہے اتے تاملاں لئی سیاستاں کرنیاں اک وکھرا ٹیچا ہے۔
کساناں دا ایہہ حال نرا تامل ناڈو وچ ہی نہیں ہے سگوں بھارت دے دوجے صوبیاں وچ وی ہے اتے تاں مارے خودکشیاں دی خبراں ہر صوبے توں آندیاں نیں۔ بھارت عالمی طاقت بنن دے سفنے ضرور ویکھے پر پہلے اپنے ماڑے بندیاں بارے غور کرے۔
Watch it
https://youtu.be/0OVsGvtD47g


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels