Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی عرب تے چین وچ65ارب ڈالر دے سمجھوتے۔شاہ سلمان چین وچ

سعودی عرب تے چین وچ65ارب ڈالر دے سمجھوتے۔شاہ سلمان چین وچ

وچار ڈیسک
March 17th, 2017

ایران دے بعدوں سعودی عرب دی وی’’چینی دربار‘‘ وچ حاضریاں۔چینی ڈپٹی خارجہ وزیرزینگ مینگ ہوراں آکھیا ہے پئی اساں دوناں توانائیاں توں خلاء تیک ہر شعبے وچ رل مل کم کراں گے۔سعودی عرب وچ تیل ویچن دی سب توں وڈی کمپنی آرامکو ہے اتے ہن ایس وچ چینی شئیرز ہون گے۔ایہہ کنج ہویا ایہہ اپنی تھاں دلچسپ، پر ایس دا اثر شام دے مسلہ تے وی ہوسی۔پچھلے کجھ ورہیاں توں چین ہوری روس توں وادھو تیل خریدے رہے نیں۔ ایس پاروں2016وچ روس تیل ویچن والا سب توں وڈا ملک بن گیا سی۔پہلاں سعودی عرب تیل ویچن والا سب توں وڈا ملک سی۔پچھلے سال چین ہر روز روس کولوں55ہزار بیرل تیل خریدا رہیا۔ ایہو اوہ پریشر سی کہ شاہ سلمان آپوں ٹرکے چین جا پہنچا۔ چینی صدر ’’جن پنگ‘‘ تاں مارے آکھیا ہے پئی اساں دونوں ملک رل مل کے نویں فرنٹیئر سر کراں گے۔ روسی ٹی وی والیاں د�آکھنا ہے پئی چینیاں دے مڈل ایسٹ وچ پیر پاون نال امن ول گل چوکھی ودھ سکدی ہے۔ اک ہور سفارتکار دا آکھنا ہے پئی چین والے یورپی ملکاں تے امریکہ وانگ مڈل ایسٹرن ملکاں نوں لڑاؤن دی تریخ نہیں رکھدے تاں مارے سارے ملک چین تے اعتبار کرسکدے نیں۔دنیا کارویہار نال ڈپلومیسیاں چلاون دا ہنر چین توں سکھے۔نوے دے دہاکے وچ اندر کمار گجرال ایہو سفنے ویکھدا سی پر بھارتی ریاست دے اصل مالکاں اڑچلاں پائیاں اتے بھارتی خفیہ ایجنسی ’’را‘‘ دے وڈکے بی رامن اپنے اک آرٹیکل وچ ایس گل تے فخر وی کیتا۔پرچین دوجی راہ تے ٹریا اتے اج عالمی کھڈاری ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels