Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہالوکاسٹ (گھلو کھاڑا) خلاف ایمازون تے کتاباں وکدیاں نیں۔

ہالوکاسٹ (گھلو کھاڑا) خلاف ایمازون تے کتاباں وکدیاں نیں۔

وچار ڈیسک
March 17th, 2017

کتاباں دی سب توں وڈی ویب سائٹ ایمازون (Amazon.com) ہے جتھے بہوں وڈی تعداد وچ اجہی کتاباں اج وی موجود نیں جہناں وچ دوجی جنگ عظیم دوران یہودیاں خلاف ہون والے وقوعہ ہالوکاسٹ یا گھلو کھاڑا دے خلاف مواد دتا گیا ہے۔ برطانیہ دے اخبار انڈی پینڈٹ وچ12 فروری2017 نوں ایس بارے اک مضمون وی چھاپیا گیا سی۔ ایس مضمون وچ کجھ کتاباں دے ناں وی دتے سن اتے ایہہ ناں پڑھ کے ہی لگدا سی پئی انہاں اندر یہودیاں دے دعویاں خلاف گلاں ہون گیاں۔ ایہہ کتاباں یورپ امریکہ وچ وکدیاں نیں اتے جے اجیہا کوئی قنون ہوندا تاں ایہہ کتاباں وک نہیں سکدیاں سن۔ اک کتاب دا ناں ہے ’’عظیم جھوٹ‘‘ اتے اک ہور کتاب دا ناں ایہہ ہے ’’کیہ 60 لکھ بندے واقعی مرے وی سن؟‘‘اکثر ایہہ آکھیا جاندا ہے پئی دوجی وڈی لام وچ نازیاں نے سٹھ لکھ یہودی مارے سن۔یہودیاں دی مرن دی گل تے سارے کردے نیں پر ایس گنتری بارے بہوں لاکاں نوں شک ہے۔ اک ہور کتاب دا ناں ہے ’’60 لکھ:حقیقت تے افسانہ‘‘ایہہ کتاب تے ایمازون جرمنی وی ویچدا ہے حلانکہ جرمنی وچ ہالوکاسٹ بارے شک کرنا جرم ہے۔ ہالوکاسٹ بارے شک کرن نوں جرم آکھن والیاں وچ فرانس اٹلی وی رلتی نیں۔ پر ایہہ کتاباں ہارڈ تے سوفٹ، وچ اٹلی، فرانس،جرمنی وچ وی ملدیاں نیں۔ گیدون فالٹر ہالوکاسٹ تے شک کرن والیاں دے بہوں خلاف ہے اتے اوس اخبار نوں دسیا ہے پئی ایمازون تے ہالوکاسٹ بارے شک پیدا کرن والیاں کتاباں وی ملدیاں نیں اتے یہودیاں خلاف وی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels