Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہالینڈ:نسلی قوم پرست ہارگئے۔گھٹیا نیشنلزم نوں دھچکہ، یورپی یونین خش

ہالینڈ:نسلی قوم پرست ہارگئے۔گھٹیا نیشنلزم نوں دھچکہ، یورپی یونین خش

وچار ڈیسک
March 16th, 2017

بریگسٹ تے ٹرمپ دے طوفان وچ ہالینڈوالیاں رڑن توں انکار کردتا۔ پناہ گیراں خلاف مہماں چلاون والیاں نوں لوکاں ووٹ نہیں پائے۔ ایس دا اثر ہن فرانس تے وی پئے گا جتھے مئی وچ نسلی قوم پرست لی پن الیکشن لڑ رہی ہے۔ ہالینڈ دے لبرل وزیراعظم مارک رویتی ایس نوں اک وڈا کم آکھیا ہے اتے دسیا ہے پئی ہالینڈ دے لوکاں’’ اسلام مخالف ، یورپی یونین مخالف ‘‘مہماں چلاون والیاں نوں مسترد کر دتا ہے۔ یورپ وچ نسلی قوم پرستی دی ودھدی ہوئی مقبولیتاں نوں ایہہ اک دھچکہ ہے۔ لبرل وزیراعظم دی پارٹی دی ایہہ مسلسل تریجی وار چوناں وچ فتح ہے۔ وزیراعظم آکھیا پئی بریگسٹ تے ٹرمپ پاروں جیہڑاگھٹیا نیشلزم ودھ رہیا سی اوس نوں بریک لا دتی گئی ہے۔ ہارن والیاں نے وی اپنی شکستاں من لتیاں نیں۔ 81 فیصدی لوکاں چوناں وچ حصہ لتا جو اپنی تھاں اک ریکارڈ ہے۔ ایس رزلٹ دا فرانس تے جرمنی وچ ہون والی چوناں تے اثر ہوسی جتھے نسلی قوم پرست پناہ گیراں خلاف مہماں اسار رہے نیں۔قدامت پرست برطانیہ دے مقابلیاں وچ ہالینڈ والیاں اک وار پھیر یورپ نوں تعصباں توں کڈہن لئی ووٹ پایا ہے۔ہن تیک دے رزلٹ پاروں ایہہ گل وی سامنے آئی ہے پئی 2012دیمقابلے وچ رویتی دی پارٹی دی سیٹاں گھٹ ہوئیاں نیں پر اوہ ہلے وی سنگل لارجسٹ پارٹی ہی ہے۔البتہ اوس دی اتحادی لیبر پارٹی نوں وڈا دھچکہ لگیا جے۔
Holand Elections
https://youtu.be/cW8ACglj4bI


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels