Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> احتجاجیاں تے کتے چھڈے۔ نیدر لینڈ اک بد بودار اَت گرد ملک۔ طیب اردگان

احتجاجیاں تے کتے چھڈے۔ نیدر لینڈ اک بد بودار اَت گرد ملک۔ طیب اردگان

وچار ڈیسک
March 15th, 2017

اج کل ترکی تے نیدر لینڈ (ہالینڈ) دوناں ملکاں وچ سرد جنگ چل رہی ہے۔ ترکی دے صدر طیب اردگان آکھیا پئی ایہہ اوہی ملک ہے جیہڑا سربیہ وچ 1995 دے مسلم قتلام وچ رلتی سی اتے ایس نوں ہر گل پچھے اسلام تے مسلمان ہی دسدے نیں۔ انہاں دی وجہ توں بوسنیا دی لڑائی وچ اقوام متحدہ دے محفوظ ٹھکانیاں وچ وی 8 ہزار مسلمان مرے سن ۔انہاں دا کردار لمیرے چرتوں بدبودار ہے۔ ایہہ ہٹلر دے بھرا نیں۔
ترکی تے نیدر لینڈ وچ مسئلہ اوس ویلے زیادہ وگڑیا سی جداں نیدر لینڈنے دوترک وزیراں نوں اپنے ملک وڑن توں ڈک دتا سی۔ ایہہ وزیر نیدر لینڈ وچ رہن والے ترکاں نوں آون والے صدارتی ریفرنڈم وچ اردگان دی حمائیت لئی تیار کرن جا رہے سن۔ انہاں وچ اک تے وزیر خارجہ آپ سی جس نوں ڈکنا عالمی سفارتی کنونشن دی خلاف ورزی سی ۔ وزیراں نوں ڈکن خلاف جداں نیدر لینڈ وچ وسن والے ترکاں وکھالے کیتے تے ڈچ اتھارٹی نے احتجاجیاں خلاف کتے چھڈے اتے تیز دھاری پانی سٹیا۔ ایس دے جواب وچ ترکی سفارتی تعلق مکادتا ہے۔ اردگان یورپی یونین نوں آکھیا ہن تساں کیوں نہیں بولدے؟ کیہ یورپی یونین اجہیاں بدبودار ریاستاں دے تھلے لگی ہے؟ اردگان آکھیا پئی ایس ویلے سجے دے نسلی قوم پرست یورپ نوں ڈکٹیٹ کررہے نیں۔ میں او آئی سی دا اجلاس بلوارہیا ہاں جس وچ یورپ وچ ودھدی نسل پرستی تے اسلام مخالفتاں بارے پالیسی بنائی جاسی۔ ادھر نیدر لینڈ دے وزیراعظم مارک روتیی آکھیا پئی سربیا دی جنگ دے حوالے نال اردگان دا بیان تریخ نال مذاق ہے۔ نیدر لینڈ دے چینل آر ٹی ایل زیڈ نال گل کردے ہوئے انہاں آکھیا میں اردگان وانگ گھٹیا نہیں بننا چاہندا پر ایہہ ضرور آکھاں گا پئی اوس گمراہیاں والی تریخ بیان کیتی ہے۔ انہاں ایہہ وی آکھ دتا پئی ترکی دے خارجہ وزیر نوں اپنے ملک نہ وڑن دین بارے ساڈے کول آئینی اختیار سی۔ اوہ ساڈے ملک وچ آکے جلسے کرنا چاہندے سن۔ سانوں پتہ ہے پئی اردگان اج کل بہوں پر پھیلا رہیا ہے کیونجے اوہ آون والے ریفرنڈم نوں جتنا چاہندا ہے۔ایہہجواب ااپ اک اعتراف وی ہے۔جدان دا ترکی پالیسی بدل کے روس تے چین نال زیادہ جڑیا ہے اودھوں دا اوس خلاف یورپ وچ شور زیادہ ہو گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels