Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاکستان ات گردی خلاف لڑرہیا ہے، نہیں لڑرہیا:امریکہ وچ بحثاں

پاکستان ات گردی خلاف لڑرہیا ہے، نہیں لڑرہیا:امریکہ وچ بحثاں

وچار ڈیسک
March 12th, 2017

ات گردی خلاف پاکستان دے کردار بارے سوال امریکہ وچ اٹھ رہے نیں۔ اک پاسے پاکستان خلاف اک بل امریکی کانگرس وچ آیا ہے تے دوجے پاسے اک امریکی جرنیل ایہہ تک آکھ دتا ہے پئی پاکستان نے تے حقانی نیٹ ورک خلاف وی کم کیتا ہے۔ جس بل نوں پاکستان مخالف آکھیا جا ریا ہے اوس وچ ایہہ گل پچھی گئی ہے پئی پاکستان ات گردی خلاف ہے یا نہیں۔ ایس بل نوں جے منظور کرلتا گیا تے 30 دناں اندر اندر امریکہ دی خارجہ وزارت ایہہ دسے گی پئی پاکستان ات گردیاں پھیلاون والا ملک ہے یا نہیں۔جے نہیں تے ایس بارے دلیلاں دینیاں ہون گیاں۔ کجھ امریکی پاک امریکہ تعلقات نوں پاک انڈیا تعلقات دی عینک نال ویکھدے نیں اتے انہاں دا اوہی خیال ہے جو بھارتی انہاں نوں بریف کردے نیں۔ اک گروپ دا پکا خیال ہے پئی جے پاکستان معاشی ترقی دے رستے تے نہ چلیا تاں اوتھے ات گرداں دا کنٹرول ودھ سکدا ہے۔ دوجے پاسے اج دے اک اخباراں وچ ہی امریکی سنٹرل کمانڈ دے کماندار جنرل جوزف ووٹل دا بیان وی چھپیا ہے۔ انہاں آکھیا ہے اساں ات گردیاں خلاف جو کامیابیاں حاصل کیتیاں نیں اوس وچ پاکستان چوکھا کردار ادا کیتا۔ نویں فوجی سربراہ دے آون بعدوں ایہہ کم ہور تیز ہویا ہے۔ اوہ امریکی سینٹ دی آمڈ سروسز کمیٹی نوں بریفینگ دے رہے سن۔ انہاں آکھیا نویں فوجی قیادت انہاں عسکری گروپاں خلاف وی کم کیتا ہے جنہاں خلاف پہلاں کجھ نہیں ہویاسی۔ انہاں آکھیا پاکستان نے حقانی نیٹ ورک خلاف وی کاروائیاں کیتیاں نیں۔ پاک افغان تعلقات بارے انہاں آکھیا جے دونوں ملکاں وچ خراب تعلقات ہون گے تے ایس دا فیدہ طالبان نوں ہوئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels