Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> جنوبی کوریا:پہلی زنانی وزیراعظم دا انجام۔ماپے قتل، دھی نوں کرپٹ آکھ دتا

جنوبی کوریا:پہلی زنانی وزیراعظم دا انجام۔ماپے قتل، دھی نوں کرپٹ آکھ دتا

وچار ڈیسک
March 10th, 2017

سیاست ظالم ہی نہیں سگوں پیچیدہ وی ہوندی ہے۔ پورے مشرقی ایشیا وچ اوہ پہلی زنانی وزیراعظم سی پر اوس نال اوہی ہویا جیہڑا پہلی مسلم زنانی وزیراعظم نال اساں پاکستان وچ کیتا سی۔ وڈی وڈی کمپنیاں تے ملکاں دی لڑائی دی چکی وچ اوس نوں پیسیا گیا۔ اوس دی ماں قتل ہوئی تے اوس نوں سیاست وچ آنا پئے گیا اتے اوہ فرسٹ لیڈی بنا دتی گئی۔ فیر اوس دا پیو وی قتل کردتا گیا تے اوہ دربدر ہوگئی۔ 2004 بعد اوس نے ریاست نوں چیلنج کیتا اتے 2012 وچ اوس حلف چکیاتے روائیتی سٹیبلشمنٹ اوس خلاف سی۔ جنوبی کوریا دی کرپٹ سیاست وچ اوس اتھل پتھل پیدا کردتی اتے وزیراعظم بن گئی۔ اوس دا وڈا قصور ایہو سی پئی اوہ شمالی تے جنوبی کوریا دی ونڈ خلاف سی۔ جنوبی کوریا دی سٹیبلشمنٹ نوں ایہہ گل وارا نہیں کھاندی سی۔ پر اوس دی دوجی وڈی بدقسمتی ایہہ سی پئی شمالی کوریا وچ مودی وانگ دی سرکار سی۔ 2014 وچ اوس جنوبی کوریا وچ سروے کروایا اتے اوس توں ثابت ہویا پئی کوریا دے لوک جنگ نہیں چاہندے۔ 58 فیصدی جنوبی کورین لوکاں جنگ خلاف رائے دتی۔ پر جنوبی کورین اسٹیبلشمنٹ نے 1948وچ سرد جنگ پاروں کوریا نوں ونڈیا سی۔ 1979 وچ پارک دے پیو نوں قتل کیتا گیا سی اتے اوس دی ماں پہلاں ہی قتل ہو چکی سی۔ اوس دا پیو اک جرنیل سی تے اوس نوں اوسے دے اپنے سیکورٹی چیف ہی قتل کروایا سی۔ دسمبر 2016 وچ اوس نوں ہٹاون لئی اسمبلی قرارداد منظور کیتی سی اتے ایس وچ لمیاں رقماں خرچن دے الزام وی نیں تے وڈیا کمپنیاں دے ملوث ہون دی کہانی وی۔ 2015 وچ اوس خلاف دھرنے کروائے گئے۔ شمالی کوریا دے ایٹمی دھماکیاں پاروں اوس نوں میڈیا وچ ’’بزدل‘‘ تک لکھیا گیا۔ 2012 وچ اوس نوں ڈیڑھ کڑوڑ توں وادھو لوکاں ووٹ دتا سی، پر 2016 وچ اوس خلاف وڈے محاذ بن چکے سن۔ ایہہ گل کوئی نہیں کررہیا سی پئی اوس خلاف مہماں چلاون والے کڈے ’’نیک‘‘ نیں۔ پارک تے کرپشن دے الزام لگن لگے اتے اوس دی دوست نوں نشانہ بنایا گیا جیہڑی اوس دے گرو دی دھی وی سی۔پھیر اسے نیں پارک خلاف کم پایا۔ اسمبلی وچ پارک خلاف قرارداد منظور ہون بعدوں ایس گل دا انکشاف ہویا پئی اک این جی او دے ذریعے لمیاں رقماں لائیاں گیاں تانجے قرارداد دے حق وچ ووٹ پین۔ ایس الزام وچ سیمسنگ دے مالک تے مقدمہ وی بنایا گیا ہے جس 36 ملین ڈالر خرچے۔ اسمبلی نے اوس نوں ہٹایا نہیں سی اتے اوس دے اختیاراں نوں واپس لتا سی۔ پر عدالت نے اگلا کم اج کردتا۔ سوال ایہہ ہے پئی عدالت نوں ایڈی جلدی کیہ سی؟ اسمبلی آپ وی تے ایہہ کم کرسکدی سی۔ کیہ پارک نوں کڈہن بعدوں جنوبی کوریا ’’کرپشن فری‘‘ ہوگیا؟ جے کل نوں ثابت ہویا پئی سیمسنگ دے مالک ووٹ خریدے سن؟ تاں اسمبلی دی قرارداد تے عدالت دے 10 مارچ دے فیصلے بارے کیہ آکھیا جائے گا؟ کرپشن اک کھیڈ جس دے مگر مفاداتی گروہ پر جے کل کلاں نوں لوکاں دی اکثریتاں چوناں وچ فیر پارک نوں ووٹ دے دتے تاں کیہ آکھیا جائے گا؟ عدالت ایس تے غور نہیں کیتا کیونجے ایجنڈا ہورسی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels