Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> آلودگیاں خلاف دو بھارتیاں دی سائیکل مہم: تساں وی سوچو

آلودگیاں خلاف دو بھارتیاں دی سائیکل مہم: تساں وی سوچو

وچار ڈیسک
March 10th, 2017

2014 دے انڈکس پاروں دلی دنیا دا گندہ (آلودہ) ترین شہر سی اتے ترے سال بعد وی ایتھے گندگیاں دے ڈھیر نظر آندے نیں۔ دو بھارتیاں ایس مسئلہ نوں چکن لئی اک اونترا طریقہ اپنایا اتے سائیکل تے پھرن لگے۔ سنجیتا سنگھ نارو کہ 51 سال دی ہے اتے پیوشن شاہ 58 سال دا ہے اتے دوناں اک ہزار کلو میٹر دا سفر سائیکل تے کیتا۔ اوہ دس دن سائیکل چلاندے رہے تے تھاں تھاں جا کے آلودگیاں خلاف لوکائی نوں آپ کجھ کرن دا درس دیندے رہے۔ ایس دوران اساں سکولاں وچ وی گئے تے دفتراں وچ وی اتے انہاں نوں آلودگیاں بارے دسیا۔ سنجیتا ہوری آرگینک فارمنگ دی پروموشن داکم گجرات وچ کررہیاں نیں۔ انہاں دسیا پئی اساں حکومتاں نوں ہی رگیدے ہاں پر آپ آلودگیاں پھیلاندے رہندے نیں۔ کجھ پنڈاں وچ تے اوہ ایس گل تے حیران سن پئی اک زنانی نوں کیہ ہوگیا ہے۔ اساں نکے پنڈاں وچ وی گئے تے وڈے وڈے ٹاؤناں وچ وی۔ اساں گجرات، راجستھان، ہریانہ تے دلی وچ سائیکل تے سفر کیتا۔ کجھ لوک ایس تے حیران سن کہ اک زنانی ایڈی زیادہ سائیکل کنج چلا سکدی ہے۔ گھر وچ 90 فیصدی ’’گند‘‘ اینج دا ہوندا ہے جس نوں مڑ کم وچ لیایا جا سکدا ہے۔ ایس نوں Recycle آکھدے نیں۔ پر ایس حوالے نال سانوں کجھ وی دسیا نہیں جاندا۔ اساں ایہہ وی دسیا پئی جے اساں گند پلاٹاں تے گراؤنڈاں وچ سٹاں گے تے ایہو گند گاواں کھان گیاں تے فیر اوس دا اثر دْدھ وچ تے آئے گا۔ کجھ ٹاؤناں وچ تے سانوں بڑیاں عزتاں ملیاں، سکولاں دے بچیاں ساڈی گلاں دھیان نال سنیاں۔ ایہہ سب ویکھ کے لوکاں تے ساڈا ایمان ہور ودھ گیا۔ بس ایہہ اک نکی جہی کوشش سی اتے جے تسی وی چاہو تے اپنی تھاواں تے، اپنے شہر، پنڈ وچ اجہی کوششاں کرسکدے ہو۔ہن ساڈے میڈیا تے کراچی دے گندا ہون دا کڈا رولاہے۔ جے ایہہ رولا سیاسی نہ ہوندا تے عقل دے مارے لوکاں نوں لے کے گلیاں، محلیاں دی صفائیاں کردے اتے لوکاں نوں Recyclingدی مت دیندے۔میڈیا وی ایس کم وچ بہوں ماٹھا کردار ادا کر رہیا ہے۔ جے ایہہ سب انہاں دو بھارتیاں بارے پروگرام وکھا دین تاں گل اگے ودھ سکدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels