Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سیمسنگ دے چیف تے رشوتاں پاروں جنوبی کوریا وچ مقدمہ۔ایمانداری یا مداری؟

سیمسنگ دے چیف تے رشوتاں پاروں جنوبی کوریا وچ مقدمہ۔ایمانداری یا مداری؟

وچار ڈیسک
March 10th, 2017

ایہہ سیاسی مقدمہ ہے یا رشوتاں دا؟ سیمسنگ دے چیف ’’لے جے یونگ‘‘ نوں اک ایسے رشوتاں دے مقدمے دا سامنا ہے جس دا تعلق راج نیتی نال ہے۔ ایہہ آکھیا جارہیا ہے پئی اوہ جنوبی کوریا دے صدر نوں ہٹاون لئی ہون والی اسمبلی ووٹنگ وچ رقماں لارہیا سی۔ یونگ نال ہور وی چار بندیاں تے مقدمہ ہے پر ساریاں دے وکیلاں الزاماں توں انکار کیتا ہے۔ اپنے پیو دے مرن بعدوں یونگ سیمسنگ دا مالک سمجھیا جاندا ہے۔ جنوبی کوریا دے صدر پارک ہوراں دے اک دوست دی این جی او نوں یونگ ہوراں پورے36 ملین ڈالر دتے سن۔ ایس رقم دا مطلب ایہو سی پئی اجہی مہماں چلائیاں جان جس پاروں پارک دی چھٹی ہوئے۔یونگ دے وکیل ایہہ منیا ہے کہ کمپنی نے دو این جی اوز نوں 18 ملین ڈالرداتے نیں پر ایس دے جواب وچ کوئی مدد نہیں منگی۔ اینج جاپدا ہے پئی موجودہ صدر نے اپنے اک تگڑے سیاسی ویری نوں سبق سکھاون لئی ایہہ مقدمہ بنایا ہے۔ یونگ ہوری سیمسنگ دے بانی ’’لی بیونگ چل‘‘ دے پوتے نیں اتے ایس خاندان دی جنوبی کوریا وچ بڑی عزتاں نیں۔ پچھلے دسمبر وچ صدرنوں ہٹاون لئی اسمبلی وچ ووٹنگ ہوئی سی اتے ایس توں بعد صدر پارک ہوراں ایہہ مقدمہ بنوا دتا۔رشوتاں دے بہانیاں مگر لک کے سیاستاں کرنا پرانا شیوا جے اتے جہیڑے ایمانداریاں دے دعوے کریندے نیں اوہ اصل وچ ایس آڑ نوں ورت کے ویریاں نوں ہٹانا چاہندے نیں۔ ایہہ کھیڈ ہر تھاں اکو جہی ہے اتے کھڈاری وکھ وکھ نیں۔ایمانداریاں دے دعوے داراں توں بچو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels