Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فرانسیسی مسلماناں خلاف گل کرن تے میئر نوں عدالتاں دھر لتا۔کیہہ اسی ایہہ کر سکدے ہاں

فرانسیسی مسلماناں خلاف گل کرن تے میئر نوں عدالتاں دھر لتا۔کیہہ اسی ایہہ کر سکدے ہاں

وچار ڈیسک
March 9th, 2017

رابرٹ مینارڈ فرانس دے اک شمالی ٹاؤن بیزیر (Béziers)دا مئیر ہے اتے اوس دا تعلق نسلی قوم پرست لیڈر ’’لی پن‘‘ نال ہے۔ اوس اک بیان وچ آکھیا سی پئی میرے شہر دے سکولاں وچ مسلمان فرنچ بچے وادھو نیں اتے انہاں نوں کڈھ کے مقامی فرانسیاں دے بچیاں نوں سکولاں وچ داخل کروانا ہوئے گا۔ میئر نوں ایہہ الفاظ مہنگے پئے گئے جداں اوس نوں عدالت بلوالتا۔ پھیر نیشنل فرنٹ پارٹی دے حمائیت یافتہ ایس مئیر نوں پیرس کریمنل کورٹ وچ پیش ہونا پیا۔ عدالت اوس دے دو اجہے بھیڑے بیان اوس اگے رکھے جہیڑے تعصباں تے hate speech نال بھرے پئے سن۔ اوس نے ایہہ بیان 2016 وچ دتے سن۔ ستمبر 2016 نوں اوس اک چینل LCI وچ گل بات کردے آکھیا سی جے کسی کلاس وچ 90 فیصدی مسلم بچے ہون گے تاں فیر ایہہ اک مسئلہ ہی تے ہوئے گا۔ ایسے مہینے اوس اک ٹوئیٹ وچ ایہہ آکھیا سی سانوں اپنے سکولاں وچ انہاں نوں کڈہن حوالے نال سوچنا ہوسی اتے ایس لئی Great Replacement  دی لوڑ ہے۔ ایہہ لفظ کامیو د اک ناول وچ وی ورتیا گیا سی اتے ایس وچ اوس نوں سزا وی ہوئی سی کیونجے ایس وچ وی فرانسیسیاں دے مقابلے وچ باہروں آئے لوکاں ول اشارے سن۔مینارڈ تے مقدمہ چل رہیا ہے اتے جے اوہ مجرم ثابت ہوگیا تے اوس نوں 1800 یورو جرمانہ ہوسی۔ جے اوہ ایہہ نہ دے سکیا تے اوس نوں جیل وی جانا پئے گا۔ عدالت وچ وکیل آکھیا پئی مینارڈ سکول دے بچیاں دا ذکر کردے ہوئے انہاں دی فرنچ شناخت دی تھاں انہاں دی مذہبی شناخت نوں چکدا ہے۔جداں کہ اوہ وی فرانسیسی نیں۔ مینارڈ دا ایہہ آکھنا ہے کہ اوس نے سچ بولیا ہے تے گراؤنڈ تے ایہو کجھ جے اوس دی ڈھٹائی دا لشکارا ہے۔ اوس آکھیا جنج کامیوں نوں سزا ہوئی سی ہن مینوں وی ہوسکدی ہے۔ اوس آکھیا 25 سالاں وچ ساڈے سکول بدل چکے نیں تے مینوں ایہہ چنگا نہیں لگدا۔مقدمے دا فیصلہ جو وی ہوئے پر کیہہ اسی پاکستان وچ ایہہ سوچ سکدے ہاں؟ ساڈی نصابی کتاباں ہی نہیں سگوں چنگے بھلے دانشور تے میڈیائی کھڈاری پوری پوری کمیونٹی نوں رگیدے ہاں۔ایس سب بارے سوچن دی لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels