Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> گھر دا دہی تے گھر دی سبزیاں:اٹلی رہندے افریقیاں کنج مقامیاں نوں رام کیتا

گھر دا دہی تے گھر دی سبزیاں:اٹلی رہندے افریقیاں کنج مقامیاں نوں رام کیتا

وچار ڈیسک
March 9th, 2017

مذاحمتاں دی وادھو شکلاں، پئی جے سمجھ سکو تاں گل ہے۔ پر اساں مارے ہوئے خلافتی بندوبستاں دے۔اٹلی رہندے افریقی پناہ گیراں کیہہ کیتا تسی وی سمجھو۔’’باری کاماں‘‘ اک کوآپریٹو ادارہ ہے اتے ایس دا مالک 32 سالہ’’ سلیمان دیارہ‘‘ ہے۔ ایہہ 2008 وچ بغیر سفری کاغذاں دے اٹلی آگیا سی اتے کھیتاں وچ 12,12 گھنٹے کم کردا سی۔ اوس دسیا پئی افریقہ وغیرہ توں آئے بے وطنے کھیتاں وچ 14,12 گھنٹے کم کردے سن پر 2010 وچ انہاں وچ جاگرتی آئی جداں انہاں اُتے مقامی لوکاں حملے کیتے سن۔ شکر ہے انہاں نوں کوئی گاندھی نہیں ٹکریا اتے سلیمان بہوں سارے افریقی بے وطنیاں نوں لے کیاٹلی دے وچلے شہر روم توں پنڈاں ول ٹرگیا۔ اوتھے انہاں گھر دا دہی بنا کے ویچن دا کم شروع کیتا۔ ہولے ہولے لوکاں ایس نوں ڈبے دے دہی دے مقابلے وچ پسند کرنا شروع کردتا۔ انہاں کوالٹی نوں ڈگن نہیں دتا۔ ہن سلیمان نال ہور لوک وی مل گئے۔ انہاں موٹر سائیکلاں تے گھر دا دہی دور دور گھلنا شروع کیتا اتے ایس دی پیکنگ وی ستھری کردے ساں۔خالص دْدھ ورتے سن تے اوس وچ کوئی باہرلا کیمیکل نہیں ورتدے سن۔جڈا دْدھ چاہیدا ہوندا اڈا ہی لے کے آندے تے جہیڑا بچ جاندا اوہ سستے داماں ویچ دیندے۔سلیمان دسیا پئی 2012 وچ سانوں اک فوڈ میلے وچ 20 ہزار یورو دا وڈا نعام وی ملیا۔ ایس بعدوں اساں کوآپریٹو بنالتی اتے ہن گھردیاں سبزیاں (آرگینک سبزیاں) وی شروع کردتیاں۔ اساں اپنے افریقی بھرانواں نوں نوکریاں وی دتیاں اتے انہاں نوں موسمی مسلیاں (Enviromental Issues) بارے وی دسیا۔ اٹلی آون والے زیادہ تر افریقی پینڈو سن اتے انہاں نوں پہلے توں بڑیاں گلاں پتہ سن۔ اساں آرگینک فوڈ بارے گلاں انہاں نوں دسیاں اتے انہاں کولوں سکھیاں وی۔ ہن اٹلی وچ بے وطنے افریقیاں بارے لوکاں دے خیال وی بدلن لگے کیونجے اوہ مقامیاں نوں ’’چنگا مال‘‘ دے رہے سن۔ اوہ ہن افریقی بھائیاں دے سفری کاغذ وی بنواندے نیں تے مقامیاں نال ملن ورتن وی ودھاندے نیں۔جدوجہد دی ایہہ وی اک راہ ہے، پئی باہروں آوان والے جے عام لوکاں نال اپنا گوڑا رشتہ بناون تے فیر اوس نوں کوئی دوجی قوت ورت نہیں سکدی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels