Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> طلبانی لیڈر چین ٹرگئے:طلبان نوں کن ہو گئے نیں؟

طلبانی لیڈر چین ٹرگئے:طلبان نوں کن ہو گئے نیں؟

وچار ڈیسک
March 8th, 2017

طالبان دے قطر آفس دے پردھان شیر عباس اک 5 رکنی وفد نال چین اپڑ گئے نیں۔ اک زمانے وچ ایہہ طالبانی لیڈر چین دے مسلماناں نوں آزاد کزوان لئی جدوجہداں کریندے سن پر اج چین نوں سہولت کار بنانا چاہندے نیں۔ ایس وفد وچ شیرعباس توں اڈ مولانا صلاح الدین دلاور، جان محمد مدنی، سلام حنفی تے ڈاکٹر صالح رلتی نیں۔ آکھیا جا رہیا ہے پئی ایہہ چینی سرکار ولوں امن مذاکرات وچ سب گروپاں نوں رلتی کرن والی پالیسی دا حصہ ہے۔ طالبان دے بلاریاں دسیا ہے پئی اساں ناروے، جرمنی، فرانس تے برطانیہ نال وی رابطیاں وچ ہاں تے ہن چین نوں وی ملے ہاں۔ ایس گل بات نال افغانستان وچ امن لئی گل اگے ودھے گی۔ اج چین بہوں وڈا عالمی کھڈاری بن چکیا ہے اتے افغانستان بارے فیصلیاں وچ چین دے ودھ چکے کردار نوں اساں جاندے ہاں۔ تاں مارے ساڈا وفدہن چین اپڑیا ہے۔ خبراں وچ دسیا گیا ہے پئی طالبانی وفد نال گل بات بعدوں افغانستان لئی چین دے وڈے افسر ڈینگ شین ہوراں کابل دا دورہ کیتا سی۔ چیتے رہے پئی ایہہ سب چین، روس تے پاکستان دے رلویں اکٹھ بعد ہی ہویا جداں طالبان نوں پتہ چل گیا پئی ہن گل اگے ودھ گئی ہے۔ قطر وچ موجود طالبان دے دفتر دے بلارے پچھلے سال 27 دسمبر نوں ہی ایہہ آکھ دتا سی پئی سانوں بلایا گیا تے اساں آواں گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels