Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ ویسٹ بینک تے قبضہ خلاف سانوں دھمکایا جے۔ اسرائیلی دفاعی وزیر

امریکہ ویسٹ بینک تے قبضہ خلاف سانوں دھمکایا جے۔ اسرائیلی دفاعی وزیر

وچار ڈیسک
March 7th, 2017

ٹرمپ آون نال بھارت تے اسرائیل چھالاں لائیاں سن پر ہولے ہولے انہاں دا کم مٹھا پئے رہیا ہے۔ اسرائیل دے دفاعی وزیر ایوگڈور لائیبرمین آکھیا ہے پئی نویں امریکی ایڈمنسٹریشن سانوں دھمکیاں لاندے ہوئے آکھیا ہے پئی تسی ویسٹ بینک تے قبضہ کیتا تے نواں عالمی بحران آجاسی اتے تہانوں ایس دا نقصان ہوسی۔ امریکیاں ویسٹ بینک وچ اسرائیلی وستیاں بناون نوں ویسٹ بینک تے قبضہ آکھیا ہے اتے ایہہ اوہی پالیسی ہے جس پاروں اوبامہ اسرائیل خلاف تریخی قرار داد سلامتی کونسل وچ منظور ہون دتی سی۔ اسرائیلی دفاعی وزیر اسرائیلی پارلیمنٹ دی دفاع تے خارجہ دی پارلیمانی کمیٹی اگے گل بات کررہے سن۔ انہاں دسیا سانوں ٹرمپ ایڈمنسٹریشن نے براہ راست پیغام گھلیا ہے کہ تسی ایس کم توں باز آؤ ورنہ ٹرمپ ایڈمنسٹریشن تے اسرائیل وچ فاصلے بہوں ودھ جان گے۔ ایہہ پیغام اک ایسے موقعہ تے آیا ہے جداں اسرائیلی پارلیمنٹ ویسٹ بینک وچ وستیاں بناون دی منظوریاں دے چکی ہے۔ پر اوس ویلے وی اسرائیلی پارلیمنٹ ونڈی نظر آئی سی اتے 60 دے مقابلے وچ 52 ممبران نے ایس دی حمائیت نہیں کیتی سی۔ دنیا ایس ویلے اسرائیل تے فلسطین نوں وکھری وکھری ریاستاں وانگ ویکھنا چاہندی ہے تانجے مڈل ایسٹ وچ جھیڑے مک سکن۔ امریکہ تے یورپی یونین وی ایہو آکھ رہے نیں اتے چین ،روس وی ایس دی حمائیت کررہے نیں۔ پر اسرائیل دی بنیاد پرست لابی ’’ون نیشن تھیوری‘‘ نوں گل نال لائے بیٹھی ہے اتے ایس نال اسرائیل اج دنیا وچ اکلا ہورہیا جے۔ اسرائیل وچ رہن والے سوشلٹ یہودی وی اسرائیل سرکار تے دبا پا رہے نیں پئی اوہ ’’دو قومی تھیوری‘‘ من لے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels