Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> آسٹریلیا تے وی ’’چینی حملہ‘‘:35 فیصدی رئیل سٹیٹ (زمیناں وغیرہ) قابو

آسٹریلیا تے وی ’’چینی حملہ‘‘:35 فیصدی رئیل سٹیٹ (زمیناں وغیرہ) قابو

وچار ڈیسک
March 7th, 2017

دنیا ’’پیلے سامراج‘‘ دی یلغاراں وچ ہے۔ پر ایہہ سامراج win-win صورتحال بناندا ہے۔ ہن تازی خبر ایہہ ہے پئی نرے 2016 وچ چینی سرمایہ کاراںآسٹریلیا وچ 24 ارب آسٹریلین ڈالر لائے۔ ایس ویلے تیک 35 فیصدی آسٹریلین رئیل اسٹیٹ چینیاں قابو کرلتی ہے۔ ایہہ گل نائٹ فرینک کمپنی آپوں دسی ہے جو آسٹریلیاں وچ اک وڈی رئیل اسٹیٹ کنسلٹینسی جے۔ کمپنی آکھیا ہے پئی پچھے چار سالاں وچ چینیاں 70 گنا توں وادھو سرمایہ کاری کیتی ہے اتے چینیاں دی دلچسپیاں نریاں رئیل سٹیٹ یعنی زمیناں وغیرہ وچ ہی نہیں ۔ جون 2016 نوں بینک آف چائینا سڈنی وچ اک وڈا پلازہ 95 ملین ڈالراں وچ خریدیا سی۔ چینیاں دی اک کمپنی ’’نیوہوپ گروپ‘‘ فوڈ تے زراعت وچ سرمایہ کاری کردی ہے۔ اوس کمپنی نیوزی لینڈ تے آسٹریلیا لئی اپنا ہیڈ کواٹر آسٹریلیا دے وچلے شہر سڈنی وچ بنایا ہویا ہے۔ انہاں دسیا ہے اوہ سڈنی وچ ہیڈ کواٹر لئی 43 منزلہ بلڈنگ کھڑی کررہے نیں۔ چینیاں لئی پسندیدہ تھاواں سڈنی تے میلبورن دی بندرگاہواں نیں۔ پر رئیل اسٹیٹ وچ سرمایہ کاری بعدوں اوہ دوجے شہراں وچ وی پہنچ چکے نیں۔ اج کل چینی سڈنی تے میلبورن دے نال نال بریسبین وچ وڈی سرمایہ کاری کررہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels