Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی عرب 33 کھسریاں نوں چھڈے ۔ٹرانس ایکشن اتحاد

سعودی عرب 33 کھسریاں نوں چھڈے ۔ٹرانس ایکشن اتحاد

وچار ڈیسک
March 7th, 2017

پشور:کھسریاں وغیرہ خلاف کم نوں ٹرانس فوبیا (Transphobia) آکھدے نیں۔ انہاں دی گل کرنا وی ’’جرم‘‘ بن جاندا ہے۔ پچھلے دناں سعودی عرب وچ 35 کھسریاں نوں پھڑیچن دی خبراں وی آئیاں اتے ایہہ وی کہہ انہاں وچوں دو جیل وچ مرگئے نیں۔ ایہہ وی خبر آئی پئی مرن والیاں نوں ڈنڈیاں نال کٹیا گیا سی۔ اج اخباراں وچ سعودی حکومت جیل وچ تشدد توں انکار کیتا اتے آکھیا اک کھسرا تے دل دا دورہ پین نال مریا سی۔ سوال ایہہ ہے اوس دی پوسٹ مارٹم رپورٹ کتھے ہے؟ دل دا دورہ تشدد بعد پیا سی یا نہیں؟ سعودی عرب، ایران تے طالبانی افغانستان وچ کھسریاں وغیرہ نال سختیاں ریاستی پدر تے بہوں نیں۔ کل پشور دے کھسریاں وغیرہ دے حقاں لئی کم کردے ٹرانس ایکشن اتحاد اتے دوجی سول سوسائٹی جتھے بندیاں اک پریس کانفرنس وچ سعودی حاکماں نوں آکھیا پئی اور تفتیشاں دی رپورٹ سب دے سامنے لیائے۔ کیونجے 35 پھڑیچے کھسریاں وچوں اکثریتاں خیبر پی کے توں ہن تاں مارے انہاں دے گھر والے بہوں پریشان نیں تے ایہو ساڈا مسئلہ ہے۔ اتحاد دی صوبائی صدرفرزانہ جان نے پشور پریس کلب وچ گل بات کردیاں آکھیا پئی 35 کھسریاں دے پھڑیچن تے دو دے مرن بارے خبراں نے سب نوں بے چین کیتا ہویا ہے۔ سانو دسیا جائے پئی سعودی حاکماں انہاں نوں کسی جرم وچ پھڑیا ہے؟ باقی 33 کھسریاں دی دی صحت کنج دی ہے؟ تشدد کس کس تے کیتا گیا؟ اتے مرن والیاں نال کیہ ہویا۔ مرن والیاں دے مردے کتھے نیں؟ انہاں نوں دفنایا وی گیا ہے یا نہیں؟ سانوں انہاں دی لاشاں دیو۔ انہاں دسیا پئی 26 فروری نوں سعودی عرب رہن والے کھسریاں دا اکٹھ ہویا سی جتھے پلس چھاپا ماریا۔ انہاں نوں چک کے عزیزہ پلس ٹیشن لے گئے سن۔ انہاں آکھیا میں سینیٹر فرحت اللہ بابر اتے انسانی حقاں دے قومی کمیشن (NCHR) اگے سعودی عرب دے کھسریاں بارے معلومات دین نوں تیار ہاں کیونجے میڈیا تے گل کرن بال انہاں لوکاں دی زندگیاں نوں خطرے ہوسکدے نیں۔ انہاں آکھیا جے کسے کھسرے غیر قنونی کم کیتا ہے تے اوس نوں کھلی عدالت وچ پیش کیتا جائے۔ انہاں آکھیا پھڑے جان والیاں وچ خیبر پی کے توں اڈ سرگودھا، کراچی، دے کھسرے وی رلتی نیں۔ ایس مسئلہ تے ہن تیک نہ تے خٹک ، عمران کجھ بولے نیں اتے نہ ہی سرکار کوئی بیان دتا ہے۔ ایہہ آکھیا جاریا ہے پئی میڈیا تے کھپ پین بعدوں پاکستانی سفارتخانہ حرکت وچ آیا ہے تے مرن والیاں دی لاشاں پاکستان گھلن لئی کوششاں شروع کیتاں گیاں نیں۔ امریکی ادارے ہیومن رائٹس واچ دا آکھنا ہے سعودی عرب وچ کھسریاں وغیرہ دے خلاف کوئی قنون نہیں ہے پر مرداں نوں عورتاں دی کپڑے پاون خلاف قنون ہے جس نوں Cross dressing آکھدے نیں۔
More news
http://www.wichaar.com/news/117/ARTICLE/32502/2017-03-05.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels