Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> احمدی نژاد نال پاکستانی بنیاد پرستاں دا پیار۔پرانا کھیڈ

احمدی نژاد نال پاکستانی بنیاد پرستاں دا پیار۔پرانا کھیڈ

وچار ڈیسک
March 6th, 2017

پچھلے دناں پرانے ایرانی صدر احمدی نژاد امریکی صدر ٹرمپ نوں اک خط لکھیا۔ ایرانی اج نویں امریکی معاہدے نال نیں جس نوں اپنے اٹھ سالہ دور وچ احمدی نژاد نہیں ہون دتا سی۔ احمدی نژاد ہوراں ٹرمپ نوں لکھے خط وچ پہلاں تے ایہہ گل لبھی ہے پئی ٹرمپ امریکی اشرافیہ نوں چکمہ دے کے صدر بنیا ہے۔ فیر انہاں لکھیا ہے پئی ٹرمپ صحیح معنیاں وچ امریکی عوام دا نمائندہ ہے۔ پر احمد نژاد ایہہ نہیں دس سکے پئی اوہ کس دے نمائندے نیں۔اوہ ایہہ یاد نہیں رکھنا چاہندے پئی نہ صرف ٹرمپ کھرب پتی ہے سگوں ریپبلکن پارٹی وچ کھرباں پتی رلتی نیں. جداں ایرانی سرکار امریکہ نال پینگاں ودھا رہے نیں تے پاکستانی بنیاد پرستاں نوں نژاد یاد آرہیا ہے۔ ایہہ اوہی پاکستانی بنیاد پرست نیں جیہڑے فرقہ وارانہ جھیڑیاں وچ وی پیش پیش رہے نیں۔ احمدی نژاد، پاکستانی بنیاد پرستاں تے ٹرمپ وچ اج کیہڑی سانجھ ہے ایہہ اک ولیواں سوال ہے۔ امریکہ تے یورپ نال رل کے معاہدہ کرن والے ایرانی تے کجھ ہور سوچدے نیں۔حیران کن گل تے ایہہ ہے پئی احمدی نژاد تے اوس دے خظ دے اُردو ترجمے نوں پاکستانی میڈیا وچ چھاپن والے ٹرمپ دے مسلماناں خلاف بیاناں نوں یاد نہیں رکھنا چاہندے۔ ٹرمپ نے امریکہ ایران معاہدے خلاف جو آکھیا اوس نوں وی احمد نژاد بھل گیا ہے۔ایران تے انہاں چھ ملکاں وچ رلتی ہے جنہاں تے ٹرمپ نے آندے ہی سفری پابندیاں سخت کیتیاں نیں۔ ایہہ سب دلچسپ وی ہے تیایس وچ سبق وی نیں، جے غور کرسو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels