Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سردجنگی مائنڈسیٹ یا شریکا: جاپان ، امریکہ رل مل چین خلاف لڑن گے؟چنگ یونگ ہوا

سردجنگی مائنڈسیٹ یا شریکا: جاپان ، امریکہ رل مل چین خلاف لڑن گے؟چنگ یونگ ہوا

March 5th, 2017

ہنری کسنجر تے اپنی کتاب ’’On China‘‘ وچ ایہو مشورہ دتا سی جس دا مطلب ایہو ہے کہ امریکہ وچ اسلحہ ویچن والی لابی روس توں بعدوں لمیرے چر توں نواں ’’ویری‘‘ لبھن وچ پریشان جے اتے ٹرمپ انہاں دی اخیری امیداں دا گھما جے۔جاپان وچ چین دے سفیر آکھیا ہے پئی ٹوکیو تے واشنگٹن سرد جنگی مائنڈسیٹ وانگ چین مخالفت دا ایجنڈا مڑ چالو کرنا چاہندے نیں۔ ’’اینج جایدا ہے پئی جاپان تے امریکہ جان بجھ کے چین نوں اپنا دشمن بنا رہے نیں۔‘‘ ایہہ گلاں ’’چنگ یونگ ہوا‘‘ آکھیاں نیں جیہڑے جاپان وچ چین دے سفیر نیں۔ انہاں آکھیا دونوں ملک رلویں سیکورٹی معاہدیاں نوں ودھارے نیں۔ اک پاسے جاپان ساڈے (چین) نال چنگے تعلقاں بارے وی گل کررہیا ہے تے نال نال دوجا تاثر وی دے رہیا ہے۔ فروری وچ جاپان دے وزیراعظم نال گل بات کردے ٹرمپ آکھیا سی پئی امریکہ جاپان دے نال ہے اتے مشرقی چین دے سمندراں وچ متنازعہ جزیریاں بارے جاپان دا حمائیتی ہے۔ دونوں ملک شمالی کوریا دے خطریاں دی آڑاں وچ نویں پالیسیاں بنارہے نیں۔ چین دی ایس تے بربر نظر ہے پراوہ ہمش وانگ ’’ٹھنڈی ڈپلومیساں‘‘ تے یقین رکھدے نیں۔دوناں نے اپنے اپنے دفاعی بجٹ وی ودھائے نیں پر ایس گل دا گیان دوناں نوں ہے پئی ایس لڑائی توں کسے تریجی قوت نوں فیدے نہ ہون۔چین تے جاپان دی لڑائیاں دی تریخ پرانی ہے اتے پہلی تے دوجی وڈی جنگاں وچ برطانیہ جاپان مخالفتاں پاروں چین نوں چکدا سی اتے1920دے دہاکے وچ برٹرینڈ رسل نے چین دی شاناں وچ کتاب وی لکھی سی اتے چین نوں دوجی جنگ بعدوں پنج وڈیاں وچ نرا جاپان مخالفتاں پاروں کیتا گیا سی۔چین1930دے دہاکے وچ جاپانی قبضیاں خلاف لڑدا ہویا ’’لینڈاینڈ لیز‘‘ پاروں تگڑا ہویا اتے پھیر سوشلسٹ ہو گیا۔1980دے دہاکے وچ چین اک نواں ٹرن لتا تے اج اوہ عالمی پدر تے اک وڈی طاقت جے پر جاپان نال ’’پیار تے نفرت‘‘ دا رنگ اج وی گوڑا ہے۔شریکے نوں مکانا سب توں وڈا کم، ذاتی پدر تے وی اتے ملکی پدر تے وی۔شریکا بھارت پاکستان وچ ہوئے یا افغانستان تے پاکستان وچ، فرقیاں وچ ہوئے یا قومیتاں وچ ایس دا فیدہ دوجیاں نوں ہی ہوندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels