Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> گورمہر کور:اوم پوری مریا ناہیں۔ نوجوان جنگ نہیں چاہندے (ویڈیو)

گورمہر کور:اوم پوری مریا ناہیں۔ نوجوان جنگ نہیں چاہندے (ویڈیو)

وچار ڈیسک
March 3rd, 2017

جداں آف شور دے ناحذاواں برطانیہ وچ بریگسٹ کیتا تے 75 فیصدی نوجواناں یورپ وچ رہن دے حق وچ ووٹ پایا سی۔ اینج ہی بھارت تے پاکستان دے اج دے نوجوان جنگ مخالف نیں۔اگے اوہی ہو سی جہیڑا نوجوان چاہندے نیں۔ ایس گل دا پتہ اک وار فیر گورمہر کور کروایا جے۔ ایہہ اوہی گل ہے جیہڑی کجھ مہینے پہلے بھارتی فلم ایکٹر اوم پوری ہوراں کیتی سی تے بھارتی بنیاد پرست اوس دے پچھے پئے گئے سن۔ اوہی ٹولہ اج گورمہر کور نوں وی رگید رہیا ہے۔ گور مہر دا پیو کیپٹن مندیپ سنگھ کار گل لڑائی وچ ماریا گیا سی اتے بالڑی نے ایس دی ذمہ واری ’’جنگ‘‘ اتے پائی۔ جنگ تے جنگی جنون کنج اندروں کسے معاشرے نوں تباہ کرداہے ایس دا گیان ہولے ہولے ہورہیا ہے۔ پاکستان وچ جنگی جنون دے دیوانے بڑے بڑے نیں۔ پر پاکستانیاں 2013 دی چوناں وچ انہاں پارٹیاں نوں ووٹ دتے جیہڑے جنگی جنون دے خلاف سن۔ پاکستان وچ چوناں جتن والی تینوں جماعتاں یعنی پیپلز پارٹی، تحریک انصاف تے مسلم لیگ (ن) انڈیا نال مذاکرات تے امن دے حق وچ نیں۔ پر بھارت وچ جنگی جنون دا بھوت ہلے وی منڈلاندا پیا ہے۔ گورمہر نوں ریپ کرن تے قتل کرن دی دھمکیاں سرعام دتیاں گیاں اتے بھارتی سیکورٹی والیاں انہاں وچوں اک بندہ وی نہ پھڑیا۔دو پاسے تنگ نظر قوم پرستاں ’’شہیدی گھما‘‘ بنایا ہویا جے اتے جنگی جنون خلاف جہیڑا بولدا ہے اوس نوں کھچ کے ایہو گھما ماردے نیں۔
گورمہر کور جلندھر جمی اتے اوہ دوسال دی بچی سی جداں اوس دے والد نوں ’’جنگ‘‘ کھا گئی۔ اوہ سری رام کالج دلی وچ انگلش لٹریچر دی سٹوڈنٹ ہے۔ پچھلے سال اپریل وچ اوس پاک انڈیا امن لئی مہماں چکیاں سن۔ اوس دا آکھنا سی پئی جے پاک انڈیا جنگ نہ ہوندی تے میں اپنے پیو نوں نہ کھوندی۔اپنی سوشل میڈیا مہم وچ اوس اک ویڈیو شئیر کیتی جس وچ اوس بہوں سارے پلے کارڈ وکھائے۔ اوس دسیا سانوں پڑھایا جاندا سی پئی کیونجے سارے مسلمان پاکستانی ہوندے نیں تاں مارے مسلماناں نال نفرت کرو۔ ذرا غور کرو پاکستانی نصابی کتاباں وچ ہندواں دا ذکر وی اینج ہی ہوندا ہے۔اگلے پلی کارڈاں تے لکھیا سی پئی میرے وچ ایڈی نفرت بھر گئی سی پئی 6 سال دی عمر وچ میں اک برقعے والی عورت نوں چھری مارنا چاہندی ساں۔ میں سمجھدی ساں پئی اوس مسلمان بھارتی برقعہ پوش زنانی نے میرے پیو نوں ماریا ہے۔ میری ماں مینوں سمجھایا پئی تیرے پیو نوں ’’جنگ‘‘ نے ماریا ہے۔ جے یورپ والے جنگاں توں سبق سکھ سکدے نیں تے اساں بھارتی تے پاکستانی کیوں نہیں؟ جے پاکستان دی تھاں بھارت تے بھارت دی تھاں پاکستان لا دیو تے ایہو پاکستانی کہانی بن جا سی پر نوائے وقت والیاں تے ایہہ گل نہیں لکھنی۔
بھارت وچ بہوں لوکاں ایس بالڑی دی حمائیت وچ آواز اٹھائی۔ پر اجہے وی نے جیہڑے اوس نوں غدار آکھ رہے نیں اتے اوس نوں ریپ کرن دی دھمکیاں لاندے نیں اتے بھارتی سیکورٹی ادارے اوس تے در وٹی بیٹھے نیں۔ اک وزیر بیان دتا پئی جیہڑے گورمہر دے حق وچ نیں اوہ پاکستان چلے جاون۔ ذار ویکھو پاکستان وچ وی جیہڑے پاک بھارت امن دی گل کردے نیں انہاں نوں ایہو کجھ سننا پیندا ہے۔ اج انڈین ایکپریس وچ قوم پرستی مگر لک کے وار کرن الے دانشور دا مضمون چھاپیا گیا ہے جیہڑا کیرالہ توں قومی اسمبلی دا ممبر وی ہے اتے اوہ بھارتی طالبان بارے گل کرن توں باز ہی رہیا۔ جنگ قوماں دی دشمن ہے اتے اج ایہو گل سب نوں کرنی چاہیدی ہے۔ پئی اساں جنگ نہیں چاہندے۔ پاکستان تے بھارت وچ اختلافات نوں مذہبی جنگ بناون والے بیانیے اج دونوں ملکاں وچ انتہا پسندیاں تے ات گردیاں نوں ودھا رہے نیں۔ اج دونوں ملکاں نوں ایس بارے سوچنا لوڑی دا ہے۔ نوجوان تے سوچ رہے نیں، ریاستاں سوچن یا نہ سوچن۔
Watch Gurmehr message
https://www.facebook.com/voiceoframdotcom/videos/1280502295312412/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels