Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> روس دا بھوت: ٹرمپ دا اٹارنی جنرل چوناں توں پہلے روسی سفیر نال ملیا سی۔نواں کٹا

روس دا بھوت: ٹرمپ دا اٹارنی جنرل چوناں توں پہلے روسی سفیر نال ملیا سی۔نواں کٹا

وچار ڈیسک
March 2nd, 2017

روسی ہیکراں توں سفارتکاراں اتے اسانج توں سنوڈن تیک ٹرمپ نوں جتوان دی کہانی لمیری ہے اتے ہردوجے دن اک خبر برابر آرہی جے ۔نویں خبر وچ ایہہ دسیا گیا ہے پئی ٹرمپ دا اٹارنی جنرل جیف سیشنز دو وار امریکہ وچ کم کررہے روسی سفیر نوں ملیا سی۔ جداں جیف کولوں ایس بارے پہلے پچھیا گیا سی تے اوس انکار کردتا سی۔ پر واشگٹن پوسٹ والیاں جداں ایہہ خبر بریک کیتی تے ہن ٹرمپ دے حامیاں یوٹرن لیندے ہوئے ایہہ آکھیا ہے پئی اوہ سینئر دی حیثیتاں وچ ملیا سی۔ مطلب ایہو ہے پئی انہاں روسیاں نال ملاقاتاں دا اقرار کرلتا ہے۔ ہن جسٹس ڈیپارٹمنٹ دی سارہ اصغر ہوراں جیف دی گواہیاں دین دی ذمہ واری سنبھالی ہے۔ انہاں دا آکھنا ہے پئی جیف تے سینیٹ دی آمڈ سروسز کمیٹی دے ممبر دی حیثتیاں وچ روسی سفیر نوں دو وار ملیا سی۔ پر سوال تے ایہہ ہے جداں کجھ ہفتے پہلاں اوس نوں پچھیا گیا سی تے اوس انکار کیوں کیتا سی۔ جے اوہ آپ ایہہ گل دس دتی ہوندی تاں ایڈی خبر نہیں بننی سی۔ جیف انہاں پہلے لوکاں وچوں ہے جس ٹرمپ دی حمائیتاں اوس ویلے شروع کیتیاں سن جداں پارٹی دے بندے وی ٹرمپ دے حامی نہیں سن۔ جنوری2016 دی مہماں چلاون والیاں وچوں کون کون روسیاں نال رابطے کیتے سن ایس دا جواب جیف کیوں غلط دتا؟۔ جیف دا جواب چن کے تساں وی ہس سکدے ہو۔ جیف ہن آکھدا ہے میرے کولوں الیکشن مہماں وچ روسیاں نال تعلق بارے پچھیا گہا سی ناکہ ملاقاتاں بارے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels