Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بغض معاویہ: کانگرس ممبئی داصدر بی جے پی مخالفت وچ شو سینا دی حمائیتاں لئی تیار

بغض معاویہ: کانگرس ممبئی داصدر بی جے پی مخالفت وچ شو سینا دی حمائیتاں لئی تیار

وچار ڈیسک
February 26th, 2017

بھارت:آندے نیں ’’حب‘‘ نال ستے خیراں ہوندیاں نیں جداں کہ بغض دوجیاں دی تھاں اپنیا ں نوں نقصان دیندا ہے۔ایہو کجھ کانگرس نا ل ہو رہیا ہے۔اوہ بی جے پی نال کھار کھائی بیٹھے نیں اتے ہن مودی مخالفتاں وچ نکے موٹے مودیاں ہی دی مدد کرن نوں وی تیار نیں۔ممبئی دی میونسپیلیٹی دی چوناں وچ بی جے پی نے82تے شوسینا نے 84سیٹاں جتیاں نیں اتے دوناں وچ میئر بناون تے اج کل لڑائی ہو رہی ہے اتے کانگرس ایس توں اک ماہر پاور بروکر وانگ فیدے چکنا چاہندی ہے۔کانگرس ممبئی دے صدراشوک چوہان اتے ممبئی کانگرس دے سینئیرلیڈر اتے پرانے چیف منسٹرنارائن رانے ایس کم وچ پیش پیش نیں اتے اپنیاں 31سیٹاں نوں ورتدے ہوئے بی جے پی نوں آوٹ کرن وچ لگے جے۔ویسے بی جے پی نوں آوٹ کرن دی آڑاں وچ انہاں نویں میئر توں کڈے ذاتی فیدے لینے نیں ایہہ اندر دی کہانی جے۔بغض دے مگر وی کاروبار ہی ہوندا ہے۔ایون دی کل سیٹاں227نیں تے پنج آزاد ممبر چنے گئے نیں جنہاں دی بولیاں شو سینا تے بی جے پی لا رہیاں نیں۔چوہان ہوراں دا بیان آیا ہے پئی سیاست وچ کوئی مستقل دشمن نہیں ہوندا اتے کیہہ شو سینا والے دشمن ملک دے نیں؟ کانگرس دے پنجاب تے بنگال نال بغض پاروں ہی پاکستان بنیا سی پر اوس نوں ہلے سمجھ نہیں آئی۔پر کانگرس وچ اج سارے ’’شو بوائے‘‘ نہیں اتے کانگرس دے جنرل سیکٹری گرداس کمات ہوراں ایس خلاف گھل کے بیان دے چھڈیا ہے۔انہاں آکھیا ہے ساڈے لئی شو سینا تے بی جے پی دوناں بنیاد پرست نیں۔جے اساں ایہہ کیتا تے لوک سانوں چھڈن گے نہیں۔اوہ کانگرس دے ایس ویلے سب توں سینیئرلیڈر وی نیں۔میں اپنے خیالات بارے راہول ہوراں نوں وی دس دتا ہے۔انہاں سونیا دا ناں نہیں لتا جس دا مطلب ہے پئی چوہان ہوری کسے برتے تے ایہہ کم پا رہے نیں۔ویسے پاکستان وچ وی بدنام عرفان اللہ مروت دی پی پی پی وچ رلت خلاف بینظیر بھٹو دی دھیاں کھل کے اپنے پیو دی مخالفتاں کیتیاں نیں۔پر ذرا ممبئی تے غور تے کرو؟ ایہہ ماڈرن انڈیا دا بوتھا ہے اتے جدتاں دی علامت وادھو پر کراچی وانگ ایہہ وی ’’شو سینا ‘‘ نوں ووٹ دیندا ہے یا پھیر ’’بی جے پی‘‘ نوں۔رب باقی شہراں نوں اجہی جدت توں محفوظ رکھے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels