Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بریگسٹ دی قیمت:برطانیہ پہلے 80ارب یورو دے گا۔جرمنی، اٹلی تے فرانس منظوریاں دے دتیاں(ویڈیو)

بریگسٹ دی قیمت:برطانیہ پہلے 80ارب یورو دے گا۔جرمنی، اٹلی تے فرانس منظوریاں دے دتیاں(ویڈیو)

وچار ڈیسک
February 26th, 2017

برطانیہ دے نوجواناں نوں چاہیدا ہے پئی برطانیہ دے انہاں بڈھیاں نوں آکھن پئی اپنی جیباں ڈھلیاں کرو کیونجے نوجواناں تے بریگسٹ دے خلاف ووٹ پایا سی۔یورپی یونین توں نکلنا ایڈا مہنگا پئے گا ایہہ برطانیہ سوچیا نہیں سی۔نپولین تے انہاں نوں دکانداراں دی قوم آکھیا سی پر بنیئے توں وی غلطی ہو جاندی ہے۔طلاق لینا ایڈا آسان نہیں اتے یورپی کمیشن آکھیا ہے پئی ہن برطانیہ ساڈے کولوں کسے رعایئت دی امیداں نہ رکھے۔یورپی کمیشن دے صدر ژاں کلاوڈ جنکر ہوراں دا آکھنا ہے پئی بریگسٹ تے طلاق بارے مذاکرات توں پہلے برطانیہ نوں ایہہ رقماں جمع کروانیاں ہون گیاں۔مذاکرات وچ رقم دا بل برطانیہ دے اگے رکھ دوان گے۔جرمنی، اٹلی، فرانس تے چیک ریپبلک نے یورپی کمیشن نوں رقم لین لئی اپنی منظوریاں دیدتیاں نیں۔آسٹرین چانسلر
کرسچین کرن دا آکھنا سی پئی برطانیہ نوں بریگسٹ بہوں مہنگا پئے گا۔سفارتکاراں دا آکھنا ہے پئی مستقبل وچ برطانیہ تے یورپی یونین دے ملکاں دے تعلقاں دا فیصلہ وکھرے ہون دے مذاکرات وچ برطانیہ دے رویے تے ہو سی۔گھٹ توں گھٹ رقم سٹھ ارب یورو اتے ودھ توں ودھ 80ارب یورو ہو سی جیہڑی 110کھرب بندی ہے۔ایہو گل گارڈین وی لکھی ہے۔ایہہ وی آکھیا جارہیا ہے پئی برطانیہ نوں چھ سال دی قسطاں کر دتیاں جان گیاں۔
Watch it      https://www.rt.com/news/378632-eu-countries-brexit-payment/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels