Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ نوں برطانیہ وچ رلاؤ۔ ملکہ دا نواں سفنہ

امریکہ نوں برطانیہ وچ رلاؤ۔ ملکہ دا نواں سفنہ

وچار ڈیسک
February 25th, 2017

1941 بعدوں برطانیہ گواچ چکی ’’ساداتی عزتاں‘‘ مڑ حاصل کرن دے سفنے ویکھد رہیا ہے اتے روسی ٹی وی والیاں ملکہ تے ایس نویں سفنے بارے آرٹیکل بڑی ریجھاں نال چھایاہے۔ ویسے جس ٹونی بلیئر دی کتاب پڑھی ہے اوس نوں لگدا ہے پئی برطانیہ دا لیفٹ، رائٹ اتے اشرافیہ سب اجہے سفنے دن رات ویکھدے نیں۔ خبر ایہہ ہے پئی نویں سفنے دا کارن ٹرمپ ہے اتے امریکہ نوں برطانوی حاکمیتاں دی اخیری نشانی ’’دولت مشترکہ‘‘ وچ رلتی کرن دی کوششاں ہورہیاں نیں۔ ٹیلی گراف والیاں تے دولت مشترکہ دی امریکہ وچ نویں برانچ کھولن دی خبروی دے دتی ہے۔ خبراں نیں پئی برطانوی پالیسی ساز یورپی یونین توں نکلن بعدوں امریکہ نال نواں ’’نکاح‘‘ چاہندے نیں اتے دولت مشترکہ نوں امریکہ برطانیہ رل مل کے خارجہ پالیسیاں تے تجارتاں لئی ورتن دی مہماں بنارہے نیں۔ اجہیاں گلاں رائل کامن ویلتھ سوسائٹی دے میخائل لیک ہوراں آکھیا ہے پئی انہاں دسمبر وچ ٹرمپ سرکار نوں اک خط لکھیا سی جس وچ ایس خیال نوں پیش کیتا گیا ہے کیہ ایہہ اپنی پرانی سلطنت نوں بحال کرن اتے بھگوڑیاں نوں مڑ سلطنت وچ رلتی کرن دی کوششاں نیں۔ خبراں وچ ایہہ وی دسیا گیا ہے پئی ٹرمپ دی ماں آپ سکاٹ لینڈ دی ہے اتے اوہ ایس کم وچ اگے اگے ہے۔ اوہ جون وچ برطانیہ دے دورے تے جارہی ہے اتے اوتھے اوہ ملکہ نال گالف کھیڈے گی۔ گالف دی ’’سوٹی‘‘ کس دے ہتھ ہوئے گی ایس بارے نیویارک ٹائمز والے ہی کجھ دس سکن گے۔ ہن تے ڈبلن وچ وی دولت مشترکہ دی اک برانچ کھول دتی گئی ہے تانجے ایس نویں ’’گھمے‘‘ وچ شوہدے آئر لینڈ نوں وی رلتی کیتا جائے۔ ملکہ دے ایس سفنے وچ چین نال نبڑن دا ’’کشتہ‘‘ وی رلتی ہے۔ پئی ہن G-20 تے بننا نہیں، جے بن گیا تے چوہدری پھیروی چین ہی ہوسی۔ پر برطانیہ تے مڑ آپ چوہدری بننا چارہیا ہے اتے ایس لئی ہی تے اوہ یورپ نوں وی چھڈن تے تیار ہویا ہے۔ تفاخر کنج گھجل کردا ہے ایس دی مثالاں دنیا وچ وادھو، پر جے سمجھن لئی کوئی تیار ہوئے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels