Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> مادری زبان دادل تے اثر، پنجابی بولنی چاہیدی ہے۔ مانچسٹر وچ پروگرام

مادری زبان دادل تے اثر، پنجابی بولنی چاہیدی ہے۔ مانچسٹر وچ پروگرام

وچار ڈیسک
February 25th, 2017

برطانیہ دے شہر" سٹوک آن ٹرینٹ" وچ مادری زباناں بارے اک پروگرام ہویا جس دی اُچیچی پروہنی نزہت عباس سن جہناں دی لکھتاں تساں وچار تے وی پڑھدے ہو۔ ایس پروگرام وچ اسکاٹ لینڈ، مانچسٹر، برمنگھم، آکسفورڈ تے دوجیاں برطانوی تھاواں توں لوک رلتی ہوئے۔ وسیم عباس پروگرام دے شروع وچ آکھیا پئی نیسن مینڈیلا آکھیا سی کہ غیر زبان نری دماغ تک پہنچ سکدی ہے پر مادری زبان دل تے دماغ دوناں تک اپڑ جاندی ہے۔ کرْد دانشور ہاشم فرہاد آکھیا اساں کردش زبان بولن والے چار ملکاں وچ رہندے ہاں اتے کسے اک دی ملک وچ اسی اپنی مادری زبان نہیں لکھ پڑھ سکدے۔ کرد زبان بولن تے سزاواں وی ملدیاں نیں پر اسی مڑاں گے نہیں۔ ثمینہ یاسین ہوراں دسیا پئی برطانیہ وچ اجہے بچے وی نیں جیہڑے اک توں زیادہ زباناں جاندے نیں۔ احمد نواز وٹو آکھیا پئی پنجابی زبان نوں پاکستانی پنجاب وچ خطرہ جے۔ شمس الرحمن ہوراں کشمیری زبان بارے گل کیتی۔ اریٹریا دے سمیر ہوراں دسیا پئی کنج انہاں دے قبیلے دی زبان نوں مکا دتا گیا سی۔ پروفیسر وریندر کا لرا ہوراں دسیا پئی مادری زباناں دا عالمی دیہاڑیاتاں منایا جاندا ہے پئی اساں مردی ہوئی زباناں بارے سوچ سکیے۔ انہاں آکھیا بھارت تے پاکستان وچ وسن والے پنجابیاں نوں مردم شماریاں ویلے مادری زبان دے خانے وچ پنجابی دا ناں لکھنا چاہیدا ہے۔ پروگرام وچ ایس بلونت، آصف ہاشمی، نگینہ کنول نے شاعری سنائی اتے عابد عباس، وسیم عباس تے ٹی وی آرٹسٹ لالہ قدیر نے پنجابی صوفیانہ کلام گایا ۔اخیر وچ مانچسٹر توں آئی اْچیچی پروہنی نزہت عباس نے بچیاں دی تربیتاں وچ مادری زبان دی اہمتیاں بارے گل چھوئی۔ انہاں آکھیا بچیاں نوں نکی عمر توں ہی مادری زبان نال جوڑیا جائے تاں انہاں دی ذہنی گروتھ تے چوکھا اثر پیندا ہے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels