Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت تے افغانستان نال چنگے تعلقات اتے مذاکرات دا عزم

بھارت تے افغانستان نال چنگے تعلقات اتے مذاکرات دا عزم

وچار ڈیسک
February 24th, 2017

وزیراعظم نواز شریف نے اک وار فیر پاکستان دی افغانستان تے بھارت حوالے نال امن تے تجارت والی پالیسی بارے کھل کے گل کیتی جیہڑے کجھ رواجی لوکاں نوں پسند نہ آئی۔ ایہہ اک بدلدے بیانیے دا لشکارا ہے اتے پاکستان وچ ایس بارے کشمکش جاری جے۔کل راتی وقت نیوز تے افغان ماہر برگیڈئیر (ر) میاں محمد محمود ہوراں وی افغانستان نال مذاکرے کرن دی پالیسی دی حمائیتاں کیتیاں۔ انہاں آکھیا اساں افغانستان نال جڈا لڑاں گے اوناں اوہ بھارت نال جڑے گا۔ وزیر رانا ثنااللہ اوسے پروگرام وچ دسیا پئی فوری ردعمل وکھانا وی ساڈی لوڑ سی پر اساں ایس نوں مستقل پالیسی نہیں سمجھدے۔ نواز شریف دے انڈیا نال امن تے مذاکرے دی گل دہران نال پاکستان دا دنیا وچ سافٹ امیج تگڑا ہوندا ہے اتے بھارت اْتے مذاکرے کرن دا دباؤ ودھدا ہے۔ پر پاکستان وچ کجھ قوتاں پرانے بیانیے نال جڑیاں نیں اتے اوہ چاہندے نیں ماضی وانگ اساں بھارت تے افغانستان نوں تڑیاں لائیے۔ ماضی دی اجہی پالیسیاں پاروں ہی بھارت تے افغانستان نیڑے آئے سن۔ جے بھٹو تے صدر داؤد مذاکریاں نوں ضیاالحق خراب نہ کیتا ہوندا تاں افغانستان تے پاکستان کدوں دے اک دوجے دے نیڑے آگئے ہوندے کیونجے سردار داؤد ڈیورینڈ لین منن تے وی تیار نیں۔ افغان جہاد تے طالبانی پراجیکٹاں پاروں بھارت تے افغانستان نیڑے ہوئے سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels