Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پانامہ، الطاف تے بی بی سی:کون کس دی گیم کھیڈ رہیا ہے؟

پانامہ، الطاف تے بی بی سی:کون کس دی گیم کھیڈ رہیا ہے؟

وچار ڈیسک
February 24th, 2017

پانامہ کیس دا فیصلہ ہوجاسی پر ایس حوالے نال میڈیا وچ ہون والی رپورٹنگ دلچسپ ہے۔ اک زمانہ سی جداں بی بی سی والے الطاف حسین خلاف دن رات سٹوریاں چھاپدے سن پر جداں دی اوس نوں برطانیہ دی سرکار نے ’’پناہ‘‘ دیتی ہے اتے اوس دے مقدمے مکائے نیں ہن بی بی سی تے کم مٹھا پئے گیا ہے۔ الطاف خلاف رپورٹنگ اوس ویلے تک جاری رہی جد تیک اوس پاکستان مخالف تقریر نہ کرلتی۔ ہن بی بی سی والے پانامہ تے خصوصی گوشہ بنائے بیٹھے نیں۔ہن کیہہارادہ ہے؟ حلانکہ آف شور ’’چوریاں‘‘ دا سب توں وڈا گڑھ خود برطانیہ ہے اتے آف شور جنتاں وی زیادہ تر برطانیہ ہی نے بنائیاں نیں۔ حتاکہ جداں یورپی یونین آف شور جنتاں تے ہتھ پاون لئی 2017 دی ڈیڈ لائن رکھی تے ’’ٹیکس چوراں دی جنت‘‘ دے رکھوالیاں بریگسٹ کرماریا۔ ایس بارے تے بی بی دی تحقیقاں اساں نہیں پڑھیاں حلانکہ یورپی یونین دی رپورٹ تے آن لائن دستیاب ہے۔ گولڈ سمتھ خاندان توں ڈیوڈ کیمرون تیک برطانویاشرافیہ وچوں کس کس نے انہاں ’’جنتاں‘‘ پاروں ٹیکس بچایا ایس دا انداز یورپی یونین دی رپورٹ وچ ارباں ڈالر سالانہ دا دسیا گیا ہے پر انہاں آف شور دا گھما پاکستان وچ ہی چلانا ہے۔ پانامہ نال اونج ہی کھیڈیا جا رہیا ہے جنج الطاف حسین کیس وچ اوہ کھیڈ دے رہے نیں۔ایس مگر کیہڑی پالیسیاں نیں ایہہ تے اوہی دس سکدے نیں پر وطیرے تے پیٹرن ویکھ کے اندازے تے لائے جاسکدے نیں۔ عدالتاں آکھیا ہے پئی سانوں ایہہ پروا نہیں کہ کڈے کڑوڑ لوکی ساڈے فیصلے نوں صیح آکھدے نیں یا نہیں۔ امید ہے اوہ عالمی، قومی یا عوامی ردعملاں توں پراں رہ کے راہ کڈہن گے۔ جے اوہ آف شور رقماں اْ تے ٹیکس ریاست نوں دلواء سکے تاں فیر ایہہ وڈی گل ہوسی۔ ویسے میڈیا دو دن پہلاں ایہہ سٹوری چھاپ چکیا ہے پئی پاکستانیاں سوئس بینکاں توں رقماں کڈلتیاں نیں۔ ویکھو ایہہ نرا ’’سرکار بدلن‘‘ دا گھما ثابت ہوندا ہے یا پھیر گل اگے ودھے گی۔ ویسے جس ملک وچ سمگلنگ دی شے واں کھلے عام وڈے شہراں دی مہنگی دکاناں تے وکدیاں ہون اوتھے پانامہ بارے گل کڈی امذاق ہے ایس بارے سب جاندے نیں۔ پانامہ کیس تے ساڈی اشرافیہ نوں اک وار فیر بے نقاب کردتا ہے اتے ویکھو فیصلے وچ ایس بارے گل ہوندی ہے یا نہیں۔ پانامہ اک عالمی مسئلہ ہے اتے سرمایہ داریاں نوں وی ایکسپوز کردا ہے کہ ایس حمام وچ امریکی، یورپی وی ننگے نیں۔ شیخ رشید تے عمران خان انجانے وسوسے پاروں آکھدے نیں پئی سماجی تے عوامی حلقیاں وچ اساں مقدمہ جت چکے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels