Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایرانی طالبان: حجاب نہ لین تے شطرنج کھڈاری نوں کڈماریا

ایرانی طالبان: حجاب نہ لین تے شطرنج کھڈاری نوں کڈماریا

وچار ڈیسک
February 23rd, 2017

دورسہ دراخسانی18ورہیاں دی بالڑی ہی نہیں سگوں شطرنج دی وڈی کھڈاری وی ہے اتے ایس ایرانی’’ ہیر‘‘ نے ایران دی قومی ٹیم وچ وی اپنا لویا منوایا سی۔پر اوس غریب نوں کیہہ پتہ سی پئی طالبان نرے افغانستان تے سعودی عرب وچ ہی نہیں سگوں ایران وچ وی وادھو نیں۔زنانیاں توں سب ڈردے نیں اتے انہاں نوں برقیاں، حجاباں تے چدراں وچ لکوندے نیں۔اوہ ایرانی قومی ٹیم ولّوں جبرالٹر گئی سی اتے شطرنج دے مقابلیاں وچ رلتی سی۔اوس نمانی اک ’’ہیر بینڈ‘‘ سر تے چڑھائیا سی پر ایرانی ملاواں نوں ایہہ گل پسند نہ آئی تے اوس نوں قومی ٹیم توں کڈ ماریا۔ذراغور کرو، جہیڑا جہیڑا ایران توں باہر اتے امریکہ تے یورپ وچ ایہہ خبر پڑھے گا اوہ ایران بارے کیہہ سوچے گا؟ پر ملا نوں کدوں ایس دی فکر ہوندی ہے۔ایرانی نیوز ایجنسیFarsنال گل بات کردے ہوئے ایران دی شطرنج فیڈریشن دے پردھان’’مہرداد پہلوان زادے‘‘ ہوراں آکھیا پئی ایہہ بالڑی ہن ایران وچ ہون والے کسے وی مقابلے وچ رلتی نہیں ہو سکدی اتے قومی ٹیم وچ تے ایس نوں رکھن دا سوال ہی پیدا نہیں ہوندا۔ایرانی سرکار نہ صرف ایہہ پابندیاں ایرانی زنانیاں تے لائیاں نے سگوں ایران وچ آون والی ہر زنانی تے لاندے نیں تاں مارے بہوں زنانیاں ایران آندیاں ہی نہیں۔دورسہ پہلی ایرانی زنانی نہیں سگوں بہوں ساریاں زنانیاں ایس ملاکریسی دے خلاف احتجاج کر چکیاں نیں۔ جے ایہہ خبر ملک دے ناں توں بغیر دتی جاندی تے پتہ نہ چلدا پئی ایہہ ایران دی خبر ہے، طالبانی افغانستان دی یا فیر سعودی عرب دی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels