Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بریگسٹ منظور نہیں۔برطانیہ دے عوام ایس خلاف اٹھ کھڑے ہون۔ٹونی بلئیر سابق وزیراعظم

بریگسٹ منظور نہیں۔برطانیہ دے عوام ایس خلاف اٹھ کھڑے ہون۔ٹونی بلئیر سابق وزیراعظم

وچار ڈیسک
February 20th, 2017

برطانیہ دے پرانے وزیراعظم ٹونی بلئیر ہوراں  لوکاں  نوں بریگسٹ(Brexit) نوں روکن لئی سڑکاں تے آون دا آکھیا ہے۔ایہہ ریفرنڈم ہارن بعدوں انہاں دی پہلی تقریر سی۔برطانیہ دے خارجہ دے سیکٹری بوریس جانسن ہوراں بلئیر دے بیان نوں بریگسٹ دے حق وچ ووٹ پاون والیاں دی توہین آکھدے ہوئے برطانیہ دے لوکاں نوں آکھیا ہے پئی تہانوں جداں وی ٹی وی تے بلئیر دی فوٹو نظر آئے تساں اپنا ٹی وی بند کر دیو۔بلئیر اپنی پبلک تقریر وچ آکھیا سی پئی سانوں ہر حالت وچ بریگسٹ نوں ڈکنا جے۔چیتے رہے پئی پچھلے سال جون وچ بہوں تھوڑے فرق نال ریفرنڈم جتن دے باوجود ہلے تیک برطانیہ نے آرٹیکل50پاروں یورپی یونین توں نکلن لئی درخاست نہیں دتی۔کدی اوہ عدالتاں مگر لکدے نیں کدی پارلیمنٹ وچ ریفرنڈم نوں لیجانا چاہندے نیں۔برطانیہ دی حالتاں اوس زنانی ورگیاں نیں جس اپنے خاوند توں نویں کار دین دا آکھیا سی اتے انکار تے طلاق دی دھمکیاں دتیاں۔جواب وچ اوس دے خصم نی آکھیا پئی توں طلاق لے ہی لے۔ہن اوہ پریشان کہ گڈی وی نہ ملی تے طلاق وادھو۔سیکٹری بوریس ہوراں آپ منیا ہے پئی بریگسٹ پاروں کارویہار نوں بہوں نقصان ہو سی اتے آون والے بجٹ تے وی اثر پئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels