Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اوبرٹیکسی:اوبامہ دے حامی تے 90 ہزار ڈالر دا عدالتی جرمانہ

اوبرٹیکسی:اوبامہ دے حامی تے 90 ہزار ڈالر دا عدالتی جرمانہ

وچار ڈیسک
February 18th, 2017

شکاگو بورڈ آف ایتھکس (Ethics) نے اوبر دے ایگزیٹو ڈیویڈ پلوفی تے 90 ہزار ڈالر دا جرمانہ کردتا۔ ایہہ حضرت اوبامہ دی چوناں دی مہماں وچ 2008 توں رلتی سن۔ 2015 وچ انہاں شکاگو دے مئیر راحم اعمانویل نال اوبر ٹیکسی دے کاروبار حوالے نال لابنگ کیتی سی حلانکہ اوہ رجسٹرڈ لابی کرن والے نہیں سن۔ امریکہ وچ لابنگ کرن والیاں نوں اتے کمیشن لین والیاں نوں رجسٹرڈ وی ہونا پیندا ہے تے اوہ جیہڑی رقماں کماندے نیں انہاں اتے ٹیکس وی دینا ہوندا ہے۔ اینج کھلی رشوت ستانیاں نہیں ہوندیاں اتے کمیشن ایجنٹ تے لابی کرن والا سب تے سامنے ہوندا ہے۔ کسے زمانے وچ پاکستان وچ ایہو سی پر ایوبی دور وچ برکتاں پیاں تے سول ملٹری سب تھاں کم خراب ہوگیا۔ بورڈ نے پلوفی نوں 90 ہزار اتے کمپنی نوں نرا 2 ہزار ڈالر جرمانہ کیتا ہے۔ دوناں نے جرمانہ قبولیا ہے جس دا مطلب ایہو ہے پئی اوہ ایہہ غلط کم کیتا سی۔ پلوفی ہوری ائیر پورٹاں تے اوبر دے کاروبار لئی گنجائشاں پیدا کررہے سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels