Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> 1,200اقلیتی پاکستانیاں ولوں بھارتی شہریت لین دی درخاست

1,200اقلیتی پاکستانیاں ولوں بھارتی شہریت لین دی درخاست

عباس علی صدیقی
February 15th, 2017

نویں دلی : بھارتی گھروکی معاملیاں دے ریاستی وزیر کرن رجیجو دسیا اے کہ 1,200توں ودھ پاکستانی اقلیتی لوکاں بھارتی شہریت لین لئ درخاست دتی اے تے 12,800توں ودھ پاکستانیاں لمے چر والے بھارتی ویزا لئ درخاست دتی اے۔
وزیر نے راجیہ سبھا وچ دسیا جو اوہدی وزارت دے امیگریشن، ویزا، بدیسیاں دی رجسٹریشن تے ٹریکنگ دے آن لائن سسٹم توں ملی جانکاری موجب چھتیس گڑھ سنے سارے ملک چوں لمے چر دے ویزے لئ 12,800توں ودھ درخاستاں تے پاکستانی اقلیتی ممبراں ولوں بھارتی شہریت لین لئ 1,200توں ودھ درخاستاں ملیاں نیں۔
رجیجو نے اپنے لکھتی جواب وچ دسیا کہ گھروکے معاملیاں دی وزارت نے تمام ریاستاں دے پربندھیاں نوں سمجھا دتا اے جو پاکستانی شہریاں ولوں لمے چر دے ویزے دیاں درخاستاں نوں نبیڑن دے کم نوں ترکھا کیتا جاوے ۔
اوس دسیا کہ پاکستانی اقلیتی شہریاں نوں بھارتی شہریت دین دے معاملے وچ گھروکے معاملیاں دی وزارت نیں ست ریاستاں دے 16ضلعیاں دے ضلعی مجسٹریٹاں نوں بھارتی شہریت دین دے اختیار دے دتے نیں۔
پاسپورٹ تے بدیسیاں دے قنون موجب وزارت نیں بنگلا دیشوں تے پاکستانوں آئے اوہناں اقلیتی لوکاں دے بھارت وچ آون تے رہن نوں منظور کر لیا اے جو مذہبی سختی پاروں بھارت وچ پناہ لین تے مجبور ہوئے نیں تے 31دسمبر 2014مگروں بھارت آئے نیں۔
(ہندستان ٹائمز توں)


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels