Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت:اقلتیاں نال بھیڑا وطیرہ رکھیا جاندا ہے۔ امریکی رپورٹ

بھارت:اقلتیاں نال بھیڑا وطیرہ رکھیا جاندا ہے۔ امریکی رپورٹ

وچار ڈیسک
February 12th, 2017

بھارت وچ اقلیتی گروہاں دا دھرم زبردستی بدلیا جاندا ہے، انہاں دا سماجی بائیکاٹ کیتا جاندا ہے اتے انہاں خلاف سرعام نفرتاں پھیلائی جاندیاں نیں۔ ایہہ گل نوائے وقت نہیں لکھ رہیا سگوں ایہہ گلاں اک امریکی کھوجی رپورٹ وچ آکھی گئی ہے جس دا ناں ’’بھارت وچ مذہبی اقلتیاں نوں درپیش آئینی تے قنونی اوکڑاں۔‘‘ہے۔
رپورٹ وچ دلتاں (شودراں، مصلیاں) خلاف موجود بھیڑے بھارتی قنوناں دا حوالہ وی دتا گیا ہے۔ ایس رپورٹ نوں عالمی مذہبی آزادیاں دے امریکی کمیشن (USCIRF) تیار کروایا ہے۔ ایہہ اک امریکی فیڈرل گورنمنٹ دا ادارہ ہے اتے سٹیٹ ڈیپارٹمنٹ ایس دی رپورٹ نوں سرکاری پدر تے چھاپدا ہے۔ ایہہ اوہی گل ہے جیہڑی اوبامہ نے بھارت دے دورے وچ اخیری دن آکھی سی پر بھارتی ایس تے نراض ہوگئے سن۔ اپنے گریبان وچ جھانکنا بڑا اوکھا کم ہے۔ بھارتی آئین وچ مذہبی آزادیاں دی گل منی ہوئی ہے پر پاکستان وانگ اوتھے وی ایس تے عمل نہیں ہوندا کیونجے کجھ قنون ایس آئینی شق نال ٹکراندے نیں۔ تان مارے رپورٹ وچ آکھیا گیا ہے پئی بھارت دے فیڈرل تے صوبیاں دے قنوناں نوں بدلن دی لوڑ ہے۔
1976 وچ بھارت این جی اوز نوں ڈکن لئی وی اک قنون بنایا سی جس نوں ایس سی آر اے آکھدے نیں۔ ایہہ قنون مشنریاں نوں ڈکن لئی سی تاں مارے ایہہ بھارتیاں نوں مسیح ہون توں بچاون۔ دلچسپ گل ایہہ ہے جیہڑی رقماں باہر گئے ہندو، ہندو بنیاد پرستاں نوں گھلدے سن اوس نوں سیکولر کانگرس جاری رکھیا۔ پچھلے دناں وچ وی ایس سی آر اے نوں ورتدے ہوئے مودی سرکار اپنے مخالفاں نوں نکرے لایا جس دا ذکر رپورٹ وچ موجود ہے۔ رپورٹ وچ گاواں نوں بچاون دے حوالے نال بنائے قنوناں تے وی تنقیداں کیتیاں گیاں۔ ایس قنون پاروں کڈے بھارتی غیر ہندواں نوں ماریا گیا۔
پاکستانیاں لئی ایس رپورٹ وچ سبق موجود نیں۔ انفرادی آزادیاں دا سوال اج دی دنیا وچ بہوں اہم ہے۔ اج دی دنیا وچ کوئی کسی نوں زبردستی دھرم بدلن تے مجبور نہیں کرسکدا جے قنون اوس دا ساتھ نہ دے۔ علماء وی ایہہ گل منیندے نیں پئی اسلام زبردستی دھرم بدلن دے خلاف ہے۔ ایس نوں سامنے رکھدے ہوئے سانوں کجھ ساچنا ہوسی۔ جیہڑے بھارت نوں ’’آئیڈیل ریاست‘‘ آکھدے نیں اوہ وی ہشیار ہون پئی انفرادی آزادیاں پاروں کم بھارت وچ وی بہوں خراب ہے۔
رپورٹ وچ لکھیا ہے پئی بھارت وچ 17 کڑوڑ توں وادھو مسلمان وی رہندے نیں اتے ترے کڑوڑ دے نیڑے مسیحی وی وسدے نیں۔ 2 کڑوڑ توں وادھو سکھ اتے 50 لکھ دے نیڑے جین مت دے واسی وی بھارتی شہری نیں۔ دنیا وچ بھارت مسلم آبادی دے حوالے نال تریجی وڈی مسلم برادری رکھدا ہے۔ رپورٹ وچ دسیا گیا ہے پئی گھٹ وگھٹ 7 بھارتی صوبیاں وچ دھرم بدلن دے خلاف قنون ہیگے نیں جہناں وچ گجرات، اروناچل پردیش، راجستھان، مدیحہ پریش، ہماچل پردیش، اڑیسہ تے چھتیس گڑھ شامل نیں۔ دھرم بدلنا کسے دا وی بنیادی انسانی حق ہے اتے ہند سندھ وچ تے دھرم بدلن دی ریت پرانی ہے پئی وڈی گنتری وچ لوک مسلمان تے مسیحی ہوئے۔ ایس دا مطلب ایہو ہے پئی پرانے ہندوستان وچ نویں بھارت دے بر خلاف زیادہ مذہبی آزادیاں سن۔ رپورٹ وچ لکھیا ہے پئی انگریزاں دے جان توں بعد بھارت وچ دھرم بدلن دے خلاف قنون بنن وچ تیزیاں آئیاں اتے مرکزی سرکار خود ایہہ کم کیتے۔ ذرا غور کرو، ایہہ سیکولر کانگرس دے ویلے دی گل ہے۔
1956 وچ بھارت نے اک اجیہا قنون بنایا جیہڑا انہاں ہندواں دے خلاف سی جیہڑے دھرم بدل لیندے سن۔ پر جیہڑے مڑ ہندو ہوندے سن انہاں دی حمائیت وچ وی قنون بنایا گیا جس نوں ’’گھر واپسی‘‘ دا سرناواں دتا۔زیادہ تر بھارتی قنوناں وچ ہندواں نوں دھرم دی تبدیلی توں روکن دا آہر کیتا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels