Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پلاسٹک بوتلاں دا پانی ڈھڈ ہون والی زنانیاں دے بچے لئی کوڑ ہے۔ امریکی سیاینسدان

پلاسٹک بوتلاں دا پانی ڈھڈ ہون والی زنانیاں دے بچے لئی کوڑ ہے۔ امریکی سیاینسدان

وچار ڈیسک
February 10th, 2017

ایہہ خبر پاکستان وچ میڈیا دی توجہ حاصل نہیں کرسکدی کیونجے پلاسٹک دی بوتلاں والے اشتہار ہی بہوں دیندے نیں۔ددھ تے پانی دی پلاسٹک بوتلاں وچ BPA ورتیا جاندا ہے اتے ایہہ خاص طور تے اوس بچے لئی کوڑ ہے جیہڑا ماں دے ڈھڈ وچ ہوئے۔ سائنسدان 2008 توں ایس بارے کھپ پارہے نیں کیونجے لیبارٹری رزلٹاں نال ایس دا پتہ چل چکیا ہے۔ایہہ گل امریکی ساینسدان آکھ رہے نیں۔ میڈیکل پڑھن والے اینڈو کرائن (Endocrine) سسٹم نوں جاندے نیں اتے ایہہ اوہی سسٹم ہے جیہڑا ماں دے ڈھڈ اندر بچے دی نگرانیاں کررہیا ہوندا ہے۔ واشنگٹن ڈی سی دی اینڈ وکرائن سوسائٹی دی اک سٹڈی بارے خبراں اج کل عالمی میڈیا وچ چل رہیاں نیں۔ویسے تے اساں یورپ تے امریکہ دی ہر گل تے اکھا میٹ کے اعتبار کر لیندے ہاں پر جتھے کاروبار تے اثر پیندا ہے اوس گل یا خبر نوں گول کر چھڈنے ہاں۔ایس امریکی سٹڈی وچ اک چوہی تے ایہہ تجربہ کیتا جس نوں ڈھڈ ہویا سی ۔رزلٹ پاروں پتہ چلیا پئی BPA پاروں اوس دا بچہ جسمانی تے ذہنی بماریاں لے کے جمیا سی۔ ایس دا سب توں بھیڑا اثر ذہن تے ہوندا ہے۔ امریکہ وچ تے 2012 وچ امریکی فوڈ اینڈ ڈرگ ایڈ منسٹریشن (FDA) والیاں نےBPA ورتن نوں خلاف قنون آکھ دتا سی۔ ہاورڈ سکول آف پبلک ہیلتھ نے وی 2011 وچ ایہہ دسیا سی پئی BPA پاروں ترے سال دی بچیاں وچ غصہ تے جنجھلاہٹاں وادھو ہوندیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels