Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چین امریکہ دونوں جنگ دے خلاف نیں، وطن پرستیاں دی آڑ وچ عالمی کار ویہار نوں ڈکنا اوکھا جے۔ چینی خارجہ وزیر

چین امریکہ دونوں جنگ دے خلاف نیں، وطن پرستیاں دی آڑ وچ عالمی کار ویہار نوں ڈکنا اوکھا جے۔ چینی خارجہ وزیر

وچار ڈیسک
February 10th, 2017

دونوں ملکاں دا کوئی وی سمجھدار سیاستدان ایہہ گل جاندا ہے پئی چین تے امریکہ وچ ٹاکرے دوناں دے مفاداں وچ نہیں۔ اجہے ٹاکرایاں نال دوناں نوں بہوں نقصان ہوسی۔ ایہہ گل وانگ یی (yi) نے آسٹریلیا وچ اک کانفرنس بعد میڈیا نال گل کردے ہوئے آکھی۔ چین کسی نوں تھلے نہیں لانا چاہندا سگوں ساڈا فوکس ساڈے اپنے پروگراماں تے ہے۔ جدوں تائیوان دے صدر نے نومبر وچ ٹرمپ نوں فون کیتا سی تاں ساڈے تعلقاں وچ سرد مہرباں آئیاں سن۔ تائیوان چین دا حصہ ہے اتے اساں ایہہ گل رجسٹرڈ کروادتی سی۔ انہاں آکھیا پئی چین امریکہ دا سانگا جس پدر تے اپڑ چکیا ہے اوس نوں کوئی زیادہ نقصان نہیں پہنچا سکدا۔ اج وطنی ریاستاں نوں بند رکھن دا زمانہ نہیں رہیا اتے اجہی کوششاں پٹھااثر پاون گیاں۔ ہن جنگاں دا زمانہ واپس نہیں آنا۔عالمی کار ویہار اک وڈی حقیقت ہے اتے ایس نوں ڈکن دی کوششاں کامیاب نہیں ہو سکدیاں۔اینج جاپدا ہے پئی یورپ تے امریکہ وچ جہیڑیاں نسل پرست قوم پرستیاں ابھر رہیاں نیں اوس تے چین دی چوکھی نظر ہے۔اوس نوں پتہ ہے پئی امریکہ تے یورپ وچ عالمی کار ویہار وچ وادھیاں والے اوس دے سجن نیں اتے قوم پرستیاں مگر لک کے پرانے بنانیاں نوں بچاون والے جنگی ڈراوئیاں نال آپدا رانجھا راضی رکھنا چاہندے نیں۔نویں دنیا دا بوتھا انٹرنیٹ ہے جس پاروں اساں ڈیجیٹل دور وچ وڑ چکے ہاں۔ایہو عالمی کار ویہار وچ وادھیاں دی پوڑھی جے۔وطن پرستیاں دی آڑ وچ ایس نوں ڈکنا اوکھا ہے۔ٹرمپ دے صدر بنن بعدوں ایہہ پہلا چینی سرکاری بیان ہے اتے اک ذمہ وار عالمی کھڈاری وانگ چین اپنا پیر پکی تھاں تے پایا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels