Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی عرب وچ پہلا زنانی دیہاڑ:برف پگلن لگی جے

سعودی عرب وچ پہلا زنانی دیہاڑ:برف پگلن لگی جے

وچار ڈیسک
February 9th, 2017

سعودی سرکار نے ایس سال فروری وچ پہلا ویمن ڈے مناہی لتا۔ ایہہ ترے دناں دا پروگرام سی جس وچ مختلف شعبیاں وچ سعودی زنانیاں دی رلت بارے گل بات ہوئی۔ سعودی شہرریاض دے گنگ فہد کلچرل سنٹر وچ ’’صرف عورتاں‘‘ دے سرناویں نال گل بات دا پروگرام ہویا۔ عرب نیوز دی خبر وچ دسیا گیا ہے اجہے پروگراماں نوں سعودی عرب دی کلچر تے انفارمیشن دی وزارت نے آرگنائز کروایا۔ کلچرل سنٹر دے پردھان محمد ال لطیف ہوراں آکھیا پئی اساں ادب، تعلیم، صحت تے رہتل وچ زنانیاں دے ودھدے ہوئے رول بارے دنیا نوں دسنا چاہندے ہاں۔ سعودی زنانیاں بارے ہون والے زیادہ تر پروگراماں وچ شاہی خاندان دی زنانیاں رلت کیتی پئی ایہہ اک بدلی ہوئی صورتحال دا لشکارا ہے۔ شہزادی عدیلہ بنت عبداللہ السعود اک لمیرے عرصہ توں صحت تے قنونی حقاں دے حوالیاں نال سعودی زنانیاں دے حقاں بارے گل کردے رہے نیں اتے انہاں وی ویمن ڈے دے پروگراماں وچ رلت کیتی۔ انہاں سعودی عرب وچ گھریلو تشدد دے حوالے نال پہلے وی آواز چکی سی۔ 2016 دی ہیمومن رائٹس واچ دی رپورٹ وچ دسیا گیا سی پئی سعودی زنانیاں دے ووٹ بننے شروع ہوگئے نیں اتے اوہناں نوں 2015 دی بلدیاتی چوناں وچ الیکشن لڑن دی اجازتاں وی دتیاں گیاں نیں۔عالمی پدر تے زنانیاں دی رلت دے حوالیاں نال سعودی عرب تے یمن دنیا دے اخیری چار ملکاں وچ آندے نیں۔لگدا ہے بیانیہ بدلن دا کم سب ملکاں وچ جاری ہے اتے نویں تے پرانے بنانیاں پاروں ٹاکرے وی جاری نیں۔ایہہ ٹٹ بھج کسے نہ کسے بنے لگ ہی جائے گی کیونجے برف پگلن دے اشارے تھاں تھاں مل رہے نیں، پاکستان، ایران توں سعودی عرب تیک۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels