Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> دہری شہریت دا رزلٹ: صومالیہ وچ دہری شہریت والا صدر چنیا گیا۔ہور چوپو

دہری شہریت دا رزلٹ: صومالیہ وچ دہری شہریت والا صدر چنیا گیا۔ہور چوپو

February 9th, 2017

امریکہ تے صومالیہ دی دہری شہریتاں رکھن والے محمد عبداللہ محمد مسلم اکثریتی ملک صومالیہ دے صدر بن گئے نیں۔8 فروری دے گارڈین نے انہاں دی جت دی خبر نوں بڑا چک کے چھاپیا ہے۔اینج جاپدا ہے پئی دہری شہریتاں اک نواں ’’گھما‘‘ ہے۔ سنیا ہے پاکستان وچ وی انتخابی ریفارمز وچ اجہے ایجنڈے دی تیاریاں ہورہیاں نیں۔ اخبار رپورٹ کیتا ہے پئی اک غریب ترین ملک صومالیہ وچ اج الیکشن اوہی لڑسکدا ہے جس کول لمی چوڑیاں رقماں نیں اتے وڈی رقماں وچ’’ باہرلے‘‘ تے ودھ ہی ہوندے نیں۔ صومالیہ وچ اقوام متحدہ دے نمائندے میخائل کیٹنگ ہوراں تے لمیاں رقماں پاروں چلن والی ایس الیکشن مہم دی اک وار نندیا نہیں کیتی سگوں چوناں نوں صومالیہ دے مستقبل لئی اک وڈی کامیابی آکھیا۔ویسے کامیابی تے امریکہ دی وی ہے کیونجے صدر ہوری امریکی نیشنل وی نیں۔چلو ساڈا تے امریکہ نال دہری شہریتاں دا معاہدہ ہی نہیں پر برطانیہ نال تے ہے۔تساں سمجھ سکدے ہو پئی اج کل پاکستان وچ کون دہری شہریتاں دے مگر ہے تے کیوں؟پارلیمنٹ دے ممبراں نوںآپ غور کرنا چاہیدا ہے۔ صومالیہ وچ وی پاکستان وانگ نوجواناں دی گنتری بہوں وادھو ہے اتے 70 فیصدی لوک 30 سال توں گھٹ عمر دے نیں۔ ایسے تناسباں نال صومالیہ وچ بے روز گاریاں وی نیں۔تاں مارے چوناں وچ رقماں وادھو کم پاندیاں نیں۔ صومالیہ وچ بالغ رائے دہیاں دا بندوبست نہیں سگوں 1400 وڈکے (Eldres) رل مل کے 275 اسمبلی دے ممبراں اتے 54 سینٹراں دی چون کردے نیں۔ ایہہ ایرانی جمہوریت تے ایوب خانی بی ڈی سسٹم وانگ دا بندوبست ہے جس نوں قبائلی جمہوریت آکھیا جا سکدا ہے۔ رزلٹ تساں ویکھ لتا ہے، اگے تسی آپ سمجھدار ہو۔دہری شہریتاں نال جہیڑا بوہا گھلدا ہے اوہ نویں کھیڈ تے نویں کھڈاریاں دا بوتھا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels