Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ڈپلومیسی،دھاندلیاں تے جسوسیاں:صدرٹرمپ سنوڈن نوں چھڈدے گا۔ روسی وکیل سنوڈن

ڈپلومیسی،دھاندلیاں تے جسوسیاں:صدرٹرمپ سنوڈن نوں چھڈدے گا۔ روسی وکیل سنوڈن

February 9th, 2017

امریکی نیشنل سیکورٹی ایجنسی دے ڈیٹا دی چوریاں کرکے ماسکو پناہ لین والے ایڈورڈ سنوڈن دے روسی وکیل ’’اناطولی کوچیرینا ‘‘ہوراں نوں امیداں نیں پئی ٹرمپ انہاں دے کلائنٹ خلاف بنائے مقدمیاں نوں واپس لے لے گا۔ امیداں ٹھیک وی نیں کیونجے ٹرمپ دی جڈی مدد وکی لیکس والے اسانج اتے سی آئی اے دے پرانے ملازم تے کنٹریکٹر،33سالہ ایڈورڈسنوڈن کیتی ہے اوس دا صلہ دین دا ویلہ تے ہن آرہیا ہے۔ روسی ٹی وی (RT) نے وکیل دا بیان جاری کیتا ہے۔ وکیل ہوراں دھائیاں دتیاں پئی سنوڈن نوں امریکہ توں بہوں پیار ہے اتے اوس نوں امریکہ دی یاد آندی رہندی ہے۔ انہاں دسیا پئی سنوڈن تے لوک سیوا دی کم وی امریکہ وچ کردا سی اتے اج وی لمیری گنتری وچ امریکی اوس نوں پسند کردے نیں۔ جنوری وچ کریملن توں سرکاری بلارے دسیا سی پئی سنوڈن دے ماسکو ٹہرن بارے اخیری فیصلہ صدرپوتن ہی نے کرنا ہے۔ کیونجے امریکہ وچ پھانسی دی سزا نوں قنونی حیثتیاں حاصل نیں تاں مارے روس ایس حوالے نال ہور رائے رکھدا ہے۔ چیتے رہے پئی مارچ 2016 وچ ٹرمپ نے سنوڈن نوں جسوس آکھیا سی اتے روس توں مطالبہ کیتا سی پئی اوہ ایس ’’جسوس‘‘ نوں امریکہ دے حوالے کرے۔ اکتوبر وچ امریکہ کم کردے روسی سفیر سیر جی ہوراں آکھیا سی پئی امریکہ تے روس وچ ا جیہا کوئی معاہدہ نہیں ہیگا اتے ساڈے وی کئی دوڑے بندے امریکہ وچ ہیگے نیں۔وکیل دی امیداں پاروں ٹرمپ اک ہور کھوبے وچ وڑ جا سی کہ جے سنوڈن کوئی ہور بیان دے دتا تے ٹرمپ دا کھانڈ بچہ کوہلو ہو جانا ہے۔کیہہ روسی سنوڈن نوں ’’حکم‘‘ دے پتے وانگ ورت رہے نیں؟ یا ڈپلومیسی،دھاندلیاں تے جسوسیاں دی نویں تواریخ لکھی جا رہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels