Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برطانیہ وی چین دے مگر مگر۔ہر کوئی ریشمی رستے دادلدادہ

برطانیہ وی چین دے مگر مگر۔ہر کوئی ریشمی رستے دادلدادہ

وچار ڈیسک
February 9th, 2017

چینی بڑے ہشیار نیں اتے پہلے کھلارا پاندے نیں فیر اپنے’’ ویریاں‘‘ نوں وی ایس وچ رلن دا سنیہا دے چھڈ دے نیں۔ خبراں موجب انہاں لمیرے چر توں جاری ریشمی رستے (سلک روٹ)دی بحالیاں لئی بنائے اپنے پراجیکٹ ’’ون بیلٹ۔ون روڈ‘‘ دے اک وڈے اکٹھ وچ برطانوی وزیراعظم نوں وی رلت دی دعوتاں دی دتیاں نیں۔ ایس پراجیکٹ پاروں ایشیا، افریقہ، یورپ مڑ توں اک مک ہوجاون گے کہ جنج ریشمی رستے ویلے ہوندا سی۔ چیتے رہے پئی ایہہ پرانے ریشمی رستے دی بحالیاں نیں اتے پرانے تجارتی رستے برباد کرن وچ سلطنت برطانیہ نے وڈا کردار ادا کیتا سی۔ رائٹرز موجب ایہہ کانفرنس چین دی سفارتکاری دی وڈی فتح ہے۔ چینی سفارتی بلارے ہلے ایس خبر دا اعلان نہیں کررہے اتے آکھدے نیں پئی اساں جلد ایہہ دس دیاں گے پئی مئی دی کانفرنس وچ کون کون آرہیا ہے۔چینی سہش وانگ محتاط تے ٹھنڈے، ساڈے وانگ اتاولے نہیں۔ برطانوی وزیراعظم دے بلارے ایہہ آکھیا ہے پئی اساں چین نال مڑ نیڑے دا تعلق بنانا چاہندے ہاں۔ ویسے وی جے برطانیہ نوں یورپی یونین وچوں نکلنا ہے تے اوہنوں نویں تے وڈے عالمی کھڈاریاں نال رلن دی لوڑ وی بڑی ہے۔ برطانوی وزیراعظم اوہ پہلی غیر ملکی سربراہ ہے جیہڑی ٹرمپ نوں صدر بنن بعدوں ملی ہے اتے ایس وجہ توں اوس تے برطانیہ وچ بہوں تنقیداں وی ہورہیاں نیں۔تاں مارے اوہ چین دا دورہ کرکے اپنے مخالفاں نوں چپ کرا سکدی جے۔وطنی ریاستاں دے سلسلہ وچ پکا یار تے ہمش لئی ویری کوئی نہیں ہوندا پر جہیڑی چین مخالفتاں دی پنیری برطانیہ لمیرے چر توں لائی ہے اوس نوں ٹھپنا ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels