Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چین، روس ڈپلومیسیاں: پاکستان تے بھارت فروری وچ ہی آمنے سامنے ہون گے

چین، روس ڈپلومیسیاں: پاکستان تے بھارت فروری وچ ہی آمنے سامنے ہون گے

وچار ڈیسک
February 8th, 2017

افغانستان دے حوالیاں نال چھ ملکی میٹنگاں دے سلسلہ وچ اگلا اکٹھ ماسکو وچ ہورہیا ہے اتے انہاں چھ ملکاں وچ پاکستان تے بھارت وی رلتی نیں۔ پاکستان، بھارت، روس توں اڈ ایس اکٹھ وچ عوامی جمہوریہ چین، ایران تے افغانستان رلتی نیں۔ ایہہ ملاقاتاں فروری دے وسط وچ ہورہیاں نیں۔ ماسکو دے میڈیا نے ایہہ خبر روسی تے افغانی خارجہ وزیراں وچ ملاقات بعدوں دسیاں نیں۔ امریکہ جیہڑا افغانستان دے حوالے نال وڈا کھڈاری ہے ایس اکٹھ وچ رلتی تے نہیں۔ پر چین دی موجودگی وچ ایتھے جو وی فیصلے ہون گے انہاں وچ امریکہ نوں باہر نہیں سمجھیا جارہیا۔ ایس گل دی وی اڈیک ہے پئی ٹرمپ افغان پالیسی وچ کوئی تبدیل لیاندا ہے یا نہیں۔ ایس اکٹھ دی وڈی خبر تے پاکستان بھارت دا اک میز تے بیٹھنا ہے جس نوں عالمی میڈیا وی اہمیتیاں دے رہیا ہے۔ پاکستان سمجھدا ہے پئی بھارت دیاں افغان مسلیاں وچ دلچسپیاں دی وڈی وجہ پاکستان مخالفتاں نیں۔پر ہون انہاں نوں ایہہ گل سمجھ لینی چاہیدی ہے پئی بھارت جے چین، روس نال مل کے رلتی ہوندا ہے تے اوہ اپنا ایجنڈا نہیں چلاسکدا۔ دوجے پاسے بھارت ایہہ آکھدا ہے پئی پاکستانی ریاست دا ات گرداں نال سانگا ہے۔جیہڑے بھارتی پالیسی ساز ایہہ گلآکھدے نیں انہاں نوں وی ایہہ گل سمجھ آنی چاہیدی ہے پئی جدوں روس، چین دوناں نوں خطہ وچ ایس پاروں پاکستان دی اہمیتیاں دا احساس ہے اتے پاکستان وی میٹنگاں وچ رلتی ہے تاں بھارت نوں وی لین بدلنی چاہیدی ہے۔ روسی وزیر خارجہ میڈیا نال گل بات کردے آکھیا ہے پئی ایہہ اک اعلیٰ سطح اکٹھ ہے اتے ایس وچ رلت کرن والیاں ساریاں ریاستاں نوں ایس دا احساس ہونا لازم ہے۔ روس اپنا پرانا وطیرہ وی بدلیا ہے اتے اج اوہ شام وانگ افغانستان وچ وی حکومتی تے لڑاکا گروپاں وچ گل بات دا حامی ہے۔ امن لئی سب دا اک صفحہ تے آنا لوڑی دا ہے اتے ایہہ کانفرنس تاں مارے اہمیتیاں رکھدی ہے۔41دن پہلے 27دسمبر نوں روس تے چین نال پاکستان دی افغانستان بارے ماسکو وچ میٹنگ ہوئی سی اتے ایس توں بعدوں ایہہ چھ ملکاں دے اکتھ دی اہمیتاں وادھو نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels