Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فلسطینی تھاواں تے اسرائیلی قبضہ:قنون منظور ۔ایہہ قنونی چوریاں نیں۔ پی ایل او

فلسطینی تھاواں تے اسرائیلی قبضہ:قنون منظور ۔ایہہ قنونی چوریاں نیں۔ پی ایل او

February 7th, 2017

رات دی تاریکی وچ اسرائیلی پارلیمنٹ نے اک کالا قنون منظور کیتا۔ ایس بل دی حمائیت 60 ممبراں کیتیاں پر مخالفتاں وچ وی پورے 52 ووٹ آئے۔ ایس قنون پاروں ہن اسرائیل سمجھدا ہے پئی اوہ فلسطینیاں دی پرائیوٹ لینڈ تے یہودی وستیاں بنا سکدا ہے۔ ٹرمپ دے آون بعدوں امریکی انتظامیہ ایس ماملے تے چپ ہے۔ امریکہ پچھلے 10 سالاں توں دو ریاستی حل دے فارمولے نوں لے کے چل رہیا ہے اتے امریکہ اپنے موڈھیاں تے اج فلسطین تے اسرائیل دے مسئلہ نوں حل کرن دا تمغہ لانا چاہندا ہے پر اسرائیل اپنی پالیسیاں پاروں امریکی حکومت تے یہودیاں نوں بدنام کررہیا ہے۔ اسرائیلی پارلیمنٹ وچ52 ممبراں دی مخالفت دا مطلب ایہو ہے پئی سارے اسرائیلی وی ایس مسئلہ تے ’’نیتن یاہو‘‘ دے نال نہیں۔ نسل پرست یہودیاں دی سجے پکھ دی سیاسی جماعت ’’یہودی ہوم پارٹی‘‘ دے لیڈر سموٹ رچ آکھیا ہے پئی جے ٹرمپ نہ ہوندا تاں اساں ایہہ قنون منظور نہیں کروا سکدے ساں۔ فلسطینیاں دی حقاں لئی کم کرن والی جتھے بندی پی ایل او ایس حرکت نوں ’’قنونی چوری‘‘ آکھیا ہے۔ انہاں آکھیا ایس قنون بعدوں فلسطینی مسئلہ حل ہون دی امیداں مک گیاں نیں۔ اسرائیل وچ اپوزیشن لیڈر اسحاق ہرذوگ ایس قنون نوں یہودیاں دی بدنامیاں آکھیا ہے۔ انہاں آکھیا اج پارلیمنٹ نے اسرائیل دے خلاف ووٹ دتا ہے۔اوبامہ جاندے جاندے سیکورٹی کونسل وچ اسرائیل دی ایس حرکت خلاف قرارداد پاس ہون دتی سی جہیڑی ہن ریکارڈ دا حصہ ہے۔ٹرمپ وی فلسطینی تھاواں تے یہودی وستیاں وسان بارے ہن پچھاں ہٹ رہیا ہے۔جدا تنہا اسرائیل اج ہے اوس دی وجہ بنیاد پرست نیتن یاہو ہے۔تاں مارے نیتن یاہو اپنے اصل مالکاں کول لندن گیا ہویا سی۔ہن تے برطانیہ وی گھل کر انہاں وستیاں بناون دے اسرائیلی فیصلے دی حمائیتاں نہیں کر سکدا۔دلچسپ گل ایہہ ہے پئی23دسمبر2016نوں ریزولوشن نمبر2334جداں سیکورٹی کونسل پاس کیتا سی تے امریکہ نے ووٹنگ وچ حصہ نہ لے کے ایس نوں منظور ہون دتا سی پر برطانیہ نے تے ایس ریزولوشن دے حق وچ ووٹ پایا سی پر نیتن یاہو ہوراں نے توپاں دا رخ نرا اوبامہ دے خلاف رکھیا سی اتے برطانیہ خلاف کجھ نہ بولیا سی۔ہن اوہی نیتن یاہو لندن دے دورے تے آیا تے ریزولوشن دے حق وچ ووٹ دین والے برطانیہ اگے کوئی احتجاج نہ کیتا۔اینج جاپدا ہے دو ریاستی حل نون منن بعدوں وی کجھ ملکاں لئی اسرائیل اک ’’اثاثہ‘‘ ہے۔جداں نیتن یاہو سیکورٹی کونسل دی گل نہیں منیندا تے پھیر اوس نوں اپنے ملک وچ جی آیانوں آکھن دا کیہہ مطلب ہے؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels