Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کیہ افغان مہاجر واپس جاسن؟ کابینہ منصوبے دی منظوریاں دتیاں پر اڑچل کیہ ہے؟

کیہ افغان مہاجر واپس جاسن؟ کابینہ منصوبے دی منظوریاں دتیاں پر اڑچل کیہ ہے؟

February 7th, 2017

ہن ویزے تو بغیر افغان مہاجرین پاکستان وچ نہیں آسکن گے۔ پاک افغان باڈر تے امیگریشن قنوناں تے مڑ جھات پائی جائے گی۔ 31 دسمبر 2017 تیک رجسٹرڈ افغان مہاجراں نوں سرکار واپس گھل دے گی اتے اوس ویلے تیک انہاں دا قیام قنونی ہوسی۔ غیر رجسٹرڈ افغاناں نوں رجسٹرڈ کرن لئی وفاقی وزارت قنون نوں کم تیز کرن دا آڈر ہے۔ ایہہ گلاں اج وفاقی کابینہ دے اکٹھ دے حوالہ نال میڈیا وچ رپورٹ ہوئیاں نیں۔ سوال تے ایہہ وی ہے پئی پاکستان دے امیگریشن قنون نوں ٹھیک کرو کیونجے ایتھے مُنہ چک کے ہر کوئی نہ وڑ سکے سگوں قنونی طریقیاں نال آئے۔ خیبر پی کے وانگ کراچی وچ وی ایہہ مسئلہ ٹیڑھا ہے اتے بھارت توں وی لوک آکے پاکستانی بن جاندے نیں اتے بری،بنگالی وی آندے نیں۔ انہاں سب نوں رجسٹرڈ کرنا داخلہ دی وزارت دی ذمہ واری ہے اتے پارلیمنٹ تے کابینہ ایس تے چیک رکھے۔ پورے ملک وچ افغاناں نوں رجسٹرڈ کرنا وی لوڑی دا ہے کیونجے انہاں نوں ووٹ بینک بنا کے ورتن والے ایتھے وادھو نیں۔ بلوچ رہنما میر حاصل بزنجو اتے انہاں دی نیشنل پارٹی تے ایہہ آکھ چکی ہے پئی افغان مہاجرین جد تیک ایتھے نیں اساں بلوچستان وچ مردم شماریاں نہیں ہون دیاں گے۔بزنجو تے بلوچ لیڈراں دا مسئلہ افغاناں دی رجسٹریشن نال اوس ویلے حل ہو سکدا ہے جداں افغاناں دے پاکستانی شناختی کارڈاں نون کینسل کیتا جائے گا۔ سرکار نوں سب توں پہلاں بلوچستان وچ افغاناں نوں رجسٹرڈ کروانا لوڑی دا ہے تاں مارے انہاں نوں ووٹ بینک بناون والیاں دا ایجنڈا کھجل ہو جائے۔ سب جاندے نیں پئی ریاست نے ہی ایہہ ’’گند‘‘ پھیلایا ہے کیونجے افغان جہاد تے طالبانی بندوبستاں وچ انہاں دی گنجائش سی۔ پھیر انہاں نوں پختون سیاستدان ورتن لگ گئے نیں۔پچھلے دناں لہور وچ اک ترقی پسند پارٹی آکھوان والی جماعت دے کنونشن وچ وی اجہے بہوں سارے بندے تاں مارے آوڑے سن پئی اوہ ترقی پسندی دی آڑ وچ رجسٹریشن توں بچ جاون۔ کوئی بندہ وی مہاجرین نوں بے عزتی نال کڈہن دی گل نہیں کررہیا، پر سوال تے ایہہ ہے پئی ایہہ رجسٹریشن کروان اتے پاکستانی شناختی کارڈ کینسل کرن لئی کیوں تیار نہیں؟ یا انہاں دے سہولت کار انہاں نوں غیر رجسٹرڈ ہی رکھنا چاہندے نیں۔اینج اوہ اک پاسے افغاناں کولوں گھٹ اْجرتاں تے کم لیندے نیں تے دوجے پاسے انہاں نوں اپنا سیاسی ہتھیار بناندے نیں۔ ایہہ مسئلہ نہ تے کسی قومیت دا ہے اتے نہ ہی زبان دا، سگوں مہاجرین دا ہے اتے ایس نوں ایسے حوالے نال طے ہونا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels