Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کیہ ہر ملک فوجیاں نوں زمیناں دیندا ہے؟

کیہ ہر ملک فوجیاں نوں زمیناں دیندا ہے؟

وچار ڈیسک
February 6th, 2017

اپنے اک تازے مضمون وچ دانشور تے استاد پرویز ہود بھائی فوجیاں نوں زمیناں دین بارے گل چھوئی ہے۔ انہاں اپنا مضمون سابق آرمی چیف جنرل راحیل شریف نوں دتی جاون والی 90 ایکڑ زمین توں شروع کیتا پر ایس نے زیادہ تبصرہ کرن دی تھاں انہاں امریکی فوج دی مثالاں دے کے رانجھا راضی کیتا۔ انہاں لکھیا ہے پئی ہر ملک وچ ایہہ کم نہیں ہوندا کہ فوجیاں نوں زمیناں دتیاں جاون سگوں ایہہ ہوندا ہے کہ فوجیاں نوں وڈے تمغے دتے جاندے نیں۔ انہاں لکھیا کہ امریکہ وچ فوجیاں نوں زمیناں وغیرہ نہیں دتیاں جاندیاں۔ اک مثال لیفٹنٹ جنرل لیزلے میکینئر (McNair) دی دتی جس 40 سال اپنے ملک دی خدمتاں کیتیاں، دو وڈی جنگاں وی امریکہ ولوں لڑیاں۔ 70 لکھ دی فوج دی تربیتاں کیتیاں اتے اک فرانسیسی میدان جنگ وچ اوہ جرنیل 61 ورہے دی عمر وچ شہید ہوگئے سن۔ پر انہاں نرے دوہزار720 ڈالراں دی جداد چھڈی سی۔ انہاں نوں ایوارڈ تے ملیا سی پر ایس نال جداد نہیں سی۔ ایس توں بعد انہاں ایہہ قصہ چھیڑیا جس دا تعلق انعام نال صدیاں پرانا ہے۔ صدیاں توں بہادری تے جیداری نال لڑن والیاں فوجیاں نوں انعام دتے جاندے رہے نیں۔ پادشا ہواں توں وطنی ریاستاں تیک ایس دی مثالاں بڑیاں نیں۔ پر اج جدوں جنگاں جدید ٹیکنالوجی نال لڑی جارہیا نیں تے فیر ایہہ بہادری تے جیداری دی تریفاں وی بدل رہیاں نیں۔ انہاں آکھیا اج امریکہ دا سب توں وڈا ہتھیار ڈرون ہے اتے ایس دا اصل ناں یواے وی ہے جیہڑا (Unmanned Autonomous Vehicle) آکھوانداہے۔ ہن ایہہ جدید ٹیکنالوجی اک بٹن دبان نال ٹارگٹ ول دوڑ دی ہے تے دشمن دا تیا پانچہ کر دیندی ہے۔ نویں جنگاں وچ بہادری، شجاعت، دلیری، جوانمر دی والی کہانی بدل چکی ہے۔ دنیا بھر وچ وطنی ریاستاں ہن جدید ٹیکنالوجی والے اسلحہ نوں خریدن یا بناون دی دوڑ وچ نیں۔ میزائل تے ڈرون تے بٹناں نال ہی چلدے نیں۔میزائل چلاون وچ تے مہارتاں چاہیدیاں نیں پر بہوں سارے جدید ہتھیاراں وچ بس بٹن ہی دبانا ہوندا ہے۔ ایس پاروں ہن فوجیاں نوں انعام دین والے قنوناں نوں وی مڑ ویکھنا چاہیدا ہے کیونجے انہاں وچ انعام این دا معیار یا وجہ بہادری ہی لکھیا ہوندا ہے۔ ایہہ مضمون 4 فروری دے ڈان وچ چھایا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels