Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فیس بُک تے انسٹا گرام بزنس ماڈل نوہی بدل دین گے۔ اشتہاری کمپنیاں

فیس بُک تے انسٹا گرام بزنس ماڈل نوہی بدل دین گے۔ اشتہاری کمپنیاں

وچار ڈیسک
February 6th, 2017

سوشل میڈیا اک نواں انقلاب لیا چکیا ہے اتے سب کجھ ساڈے ساہمنے بدل رہیا ہے پر پھیر وی ایس نوں پوری طراں منن لئی ساڈے ایتھے بہوں لوک تیار نہیں۔ میڈیا وچ ایس بارے لکھتاں ہر روز چھپ رہیاں نیں اتے صحفے وی کالے کیتے جارہے نیں۔ہور تے ہور ہن تے پرنٹ اتے الیکٹرانک میڈیا سوشل میڈیا کولوں لیڈاں لیندا جے۔سوشل میڈیا دی ودھ چکیاں طاقتاں بارے لکھے اک ایسے ہی آرٹیکل وچ دسیا گیا ہے پئی فیس بُک والے سوشل میڈیا تے اَپ لوڈ کیتی ویڈیوز وچ اشتہار چلاون دی گنجائش کڈھ لتی ہے۔ اینج ہی انسٹاگرام تے وی کسی وی اَپ لوڈ نال اک متھے گئے ویلے تک اشتہار چلائے جاون گے۔ کجھ تھاواں تے تجربہ کرکے ویکھیا وی گیا ہے۔ ایہہ ویکھیا جارہیا ہے پئی بندہ کس قسم دی پوسٹاں زیادہ ویکھدا ہے، کہیڑیاں چیزاں اَپ لوڈ کردا ہے۔ فیر ایس بنیاد تے اوس دی پسند تے ناپسند بارے اک رائے بنائی جائے گی ۔ فیر اوس بندے دے حوالیاں نال بنائی جاون والی رائے پاروں اوس دے ماحول نوں ساہمنے رکھ کے اشتہار بنایا جا سی جہیڑا اوس دی فیس بک تے چلن والیاں ویڈیوز وچ ہی چل سی۔ اِکو پراڈکٹ دے بہوں سارے ایڈ بناکے اَپ لوڈ کردتے جان گے اتے جس طرح دے ٹرینڈ اوس دا فیس بُک صفحہ دسے گا اوسے طراں دے اشتہار اوس نوں وکھائے جان گے۔پہلاں تے بندیاں بارے سروے کروا کے اک اشتہاری کمپنی سارے بندیاں دی رلدی ملدی سوچ پاروں اشتہار بناندیاں سن پر ہن ہر بندے لئی وکھرا اشتہار ہو سی۔ اینج پراڈکٹ دی بکری ودھ سی۔ ایتھے ایہہ سوال اج سب دے سامنے ہے کہ کتھے بندے دی پرائیویٹ زندگی اجہے کماں نال متاثرتے نہیں ہوئے گی؟ فیس بُک نوں ورتن والیاں دی گنتری باقی سب سوشل میڈیا مقابلیاں وچ بہوں زیادہ ہے۔ایس نوں ڈیجیٹل انقلاب دا ناں دتا جارہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels