Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت:5سالہ پاکستانی منڈے نوں عدالتاں موڑ دتا۔جھگڑا ماپیاں دا، شکار بچہ، تھاں کشمیر

بھارت:5سالہ پاکستانی منڈے نوں عدالتاں موڑ دتا۔جھگڑا ماپیاں دا، شکار بچہ، تھاں کشمیر

February 5th, 2017

اک کہانی تے کئی پرتاں۔پاکستانی ہائی کمشنرعبدالباسط ہوراں آکھیا پئی بھارتی حکام بڑا چنگا کم کیتا۔روحینہ کیانی اک ماں ہے اتے اوس دے خصم نے ہورے ماں نال لڑائی وچ اوس دے نکے بچے نوں اوس توں دور کرن دا نواں راہ لبھیا۔دوناں میاں بیوی تے انہاں دا نکا بال پاکستانی کشمیر دے واسی نیں۔ہورے ایہہ نواں راہ نہ ہوئے تے کڈے ہی افتخار احمد ایس دا شکار ہون۔خبراں موجب گلزار احمد گیارہ مہینے پہلاں اپنے پترافتخار احمد نوں باغ جاون دے بہانے یا ویاہ وچ لے کے گیا سی تے بچے نوں لے کے پہلاں دبئی اتے پھیر بھارتی کشمیر لے گیا۔اوہ دبئی توں بھارت کنج وڑیا ایس بارے سارا میڈیا چپ ہے۔گلزار احمد بچے نوں کنٹرول لین دے نیڑے گندر بل ضلع وچ لے کے گیا سی جہیڑا بھارتی کشمیر وچ دریا پارہے۔اینج جاپدا ہے پئی کہانی وچ دبئی نوں بدوبدی پایا گیا ہے تانجے باڈراں تے کھلوتے سیکورٹی والیاں ول گل نہ جائے۔وڈی گل ایہہ ہے پئی بچے دی ماں روحینہ کیانی ہوراں مارچ2016وچ بھارتی عدالت وچ مقدمہ کیتا اتے نرے ڈھائی مہینیاں وچ عدالت نے کیانی ہوراں دے حق وچ فیصلہ مئی دے مہینے دے دتا۔پر پاکستان تے بھارت وچ جنگی ٹاکرے دی صورتحال پاروں بچے نوں واپس پاکستان نہ گھلیا جا سکیا۔ اک بھارتی سفارت کار دے گھر بچے نوں امرتسر رکھیا گیا اتے بھارتی پنجاب وچ چوناں دی مہماں مکن بعدوں ہن چار فروری 2017نوں بچہ واہگے باڈر تے ماں نوں موڑیا گیا۔ایس اک کہانی وچ کڈیاں کہانیاں لکیاں نیں ایہہ تساں آپ سمجھ سکدے ہو۔بچہ ماں نوں اٹھ مہینے پہلاں مل سکدا سی۔ماپیاں دے آپسی جھیڑیاں نوں پاک انڈیا جھیڑیاں دا حصہ بناون والے گلزار احمد تے اوس دے سہولت کاراں نوں بھارت تے پاکستان دی ریاستاں نوں سامنے لیانا چاہیدا ہے پر ساڈا آزاد میڈیا انڈیا تے پاکستان وچ اجہے سوال نہیں چکدا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels