Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہُن ورک ویزہ (H.1B) بارے حکمنامہ آرہیا ہے:بھارت ڈاہڈا پریشان۔’’سیلیکون ویلی‘‘ دا کیہہ بن سی؟

ہُن ورک ویزہ (H.1B) بارے حکمنامہ آرہیا ہے:بھارت ڈاہڈا پریشان۔’’سیلیکون ویلی‘‘ دا کیہہ بن سی؟

وچار ڈیسک
February 4th, 2017

زیادہ تر پروفیشنل ایسے ویزہ نوں ورتدے نیں تاں مارے بنگلور وچ وڈی وڈی آئی ٹی کمپنیاں دے پردھان ٹرمپ دی ٹیم نوں ملن جارہے نیں۔ ’’سلیکون ویلی‘‘ دے ڈبن دا خطرہ اک نواں عذاب ہے جس بارے ٹرمپ دیاں تریفاں کرن والے بھارتیاں کدی سوچیاں وی نہیں سی۔چوناں سر تے نیں تاں ایہہ خبر نے مودی نوں ڈہڈا پریشان کر دتا ہے۔اوہ تے امریکیاں دا ’’جوائی‘‘ بن کے ٹوہر بنا رہیا سی پر ٹرمپ ہوراں نے کھوتا کھوہ وچ سٹ ماریا۔ نیسکوم، ٹاٹا سروسز تے انفوسز سنے آئی ٹی دے وڈے ودے بھارتی کھڑپینچ ادارے ڈاہڈے پریشان نیں۔ وڈی وڈی امریکی کمپنیاں لئی بھارت وچ کم دینا وی مسئلہ بن جاسی۔ نیسکوم دے پردھان چندر شیکر ہوراں آکھیا ہے اساں 20 فروری نوں امریکہ جا کے ٹرمپ دی ٹیم دے بندیاں نوں اجہی پالیسیاں دے امریکہ تے بھارت تے پین والے بھیڑے اثراں بارے دساں گے۔ بہوں سارے پروفیشنل ایہہ سوچن لگے نیں پئی اوہ ہُن اپنے مُلکاں نوں ہی ٹر جاون۔ مودی تے ٹرمپ وچ تے جون وچ ملاقات ہونی ہے پر لگدا ہے جون توں پہلاں ہُن کم خاصہ خراب ہوجائے گا۔ بھارتی خارجہ وزارت دے بلارے وکاس سوا روپ تسلیاں دے رہے نیں پئی ہلے کوئی نواں ایگزیٹو آڈر نہیں آنا۔ بس امریکی اسمبلی وچ ترے پرائیویٹ بل ہی آئے نیں۔ اجہے بل پہلے وی آندے رہے نیں۔ اساں ٹرمپ ٹیم نال گل کراں گے۔ پر اوہ جاندے نیں پئی ٹرمپ اپنا ایجنڈا بھارت نوں سامنے رکھ کے نہیں بدلے گا۔ٹرمپ خلاف جہیڑا نواں عدالتی حکم آیا ہے اوس پاروں ہن ایچ ون ویزے بارے نواں حکمنامہ چھیتی ہی آجائے۔پلس وانگ امریکیاں دی دوستی تے دشمنی ایڈی سوکھی نہیں ہوندی اتے مودی نوں ہولے ہولے لگ پتہ جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels