Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> نواں کٹا:ٹرمپ دے سفری ڈکے نوں اک ڈسٹرکٹ جج ہوراں کھول ماریا۔ایہہ حکمنامہ مسلماناں خلاف جے۔امریکی جج

نواں کٹا:ٹرمپ دے سفری ڈکے نوں اک ڈسٹرکٹ جج ہوراں کھول ماریا۔ایہہ حکمنامہ مسلماناں خلاف جے۔امریکی جج

وچار ڈیسک
February 4th, 2017

جیمس رابرٹ ہوری ڈسٹرکٹ جج نیں اتے انہاں عارضی طور تے ٹرمپ دے سفری ڈکے(ٹریول بین)والے اونترے نکھتے حکمنامے نوں روک دتا جے۔ایہہ جج مغربی ڈسٹرکٹ واشنگٹن دے نیں اتے ہوم لینڈ سیکورٹی اتے جسٹس دیپارٹمنٹ والے انہاں نال گل بات کر رہے نیں۔دو گھنٹے پہلاں وائٹ ہاوس اپنے بیان وچ دسیا ہے پئی اساں ایس نویں آڈر خلاف سٹے لواں گے۔خبراں پاروں میڈیا وچ ایہہ دسیا گیا ہے پئی مختلف امریکی ریاستاں وچ ایس ویلے 17توں وادھو مقدمے ایس’’ ٹرمپی‘‘ حکمنامے خلاف جاری نیں۔16 ریاستاں دے اٹارنی جنرلاں اتے کولمبیاڈسٹرکٹ نے پچھلے ہفتہ نوں اک رلواں بیان جاری کیتا سی اتے اوس وچ ایس ٹرمپی حکمنامے نوں غیر آئینی آکھیا گیا سی۔امریکہ وچ عدالتی بندوبست تگڑا ہے تاں مارے احتجاجی عدالتی رستیاں راہیں اپنی جدوجہد نوں اگے ودھا رہے نیں۔اپنے فیصلہ وچ جج رابرٹ ہوراں لکھیا ہے پئی ساڈا کم قنون بنانا نہیں، نہ ہی پالیسیاں بنانا ہے پر سانوں ایہہ ویکھنا پیندا ہے پئی کہیڑا کم قنون دے مطابق ہے یا نہیں۔ایہہ حکم پورے ملک تے لاگو ہو سی۔جج ہوراں دسیا پئی ایس گل دے بہوں ثبوت نیں کہ ایہہ حکمنامہ مسلماناں خلاف ہے اتے ایہہ ساڈے آئین توں ٹکراندا ہے۔ایس نویں کٹے دے کھلن نال صورتحال ہور وگڑ رہی ہے کیونجے وڈی گنتری وچ لوکاں نوں ائیرپورٹاں تے ڈکیا جارہیا ہے۔عدالت دے نویں حکم نے ٹرمپی حکمنامے خلاف وکھالیاں وچ ہور جان پا دتی ہے۔امریکیاں دی وڈی گنتری ٹرمپ دے حکمنامے نوں امریکہ دے خلاف سمجھدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels