Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اخیرروسی ٹی وی دے صحافی سنے چھ جرنلسٹاں خلاف امریکہ وچ مقدمے ختم

اخیرروسی ٹی وی دے صحافی سنے چھ جرنلسٹاں خلاف امریکہ وچ مقدمے ختم

وچار ڈیسک
January 31st, 2017

ٹرمپ دے صدارتی پروگرام خلاف وکھالیاں نوں رپورٹ کردے صحافی نوں گیارہ دن پہلاں امریکہ وچ گرفتار کرلتا گیا سی۔ ’’الیگذینڈر روبین سٹین‘‘ انہاں چھ صحافیاں وچ رلتی سی جیہڑے امریکی صدر ٹرمپ دے صدر دا حلف چکن ویلے ہون والے پروگرام خلاف جاری وکھالیاں دی رپورٹنگ کردے ہوئے پھڑیچے گئے سن۔ انہاں نوں 21 تریخ نوں چھڈ دتا گیا سی پر انہاں تے مقدمے واپس نہیں لتے گئے سن۔الزام بہوں سخت سن اتے ایہہ آکھیا گیا سی پئی صحافیاں ہجوم نوں ماردھاڑ لئی اشتعال دلایا ہے۔کولمبیا دی قنون وچ ایہہ وڈا جرم ہے اتے ایس دی سزاواں وی سخت نیں۔ اخیر گیارہ دناں بعدسرکار نیں ایہہ مقدمے وی واپس لے لتے۔’’ اساں تے نری رپورٹنگ کررہے ساں، پر سانوں پھڑیچیا گیا‘‘۔ انہاں امریکی صحافیاں تے میڈیا دا شکریہ ادا کیتا جہناں انہاں لئی آواز چُکی۔ سٹین آکھیا ایس اوکھے ویلے نہ صرف میرے ادارے روسی ٹی وی (RT.com) میرا ساتھ دتا سگوں میڈیا دے دوجے ادارے تے جرنلسٹ انہاں مقدمیاں نوں غلط آکھیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels