Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپ، شام سمیت ات گردیاں والے مسلم ملکاں دے بندیاں نوں ڈکاں گے۔ایہہ غیر آئینی جے نایب صدر

ٹرمپ، شام سمیت ات گردیاں والے مسلم ملکاں دے بندیاں نوں ڈکاں گے۔ایہہ غیر آئینی جے نایب صدر

وچار ڈیسک
January 26th, 2017

اے بی سی نیوز نال گل بات کردے امریکی صدر ٹرمپ ہوراں اک وار فیر اپنی نکمی پالیسیاں بارے دنیا نوں دسیا ہے۔ انہاں دا بیانیہ ایہہ ہے پئی ات گردیاں نرے مسلم ملکاں توں آندیاں نیں اتے اوہ انہاں مسلم ملکاں توں بندیاں نوں امریکہ وڑن توں ڈکن گے۔ جے کوئی غیر مسلم ات گردیاں کردا ہے تے اوس نوں کیہ امریکہ ویلکم آکھدا ہے؟ ات گردیاں خلاف مہماں نوں کراہے پاون دا ایس توں ودھیا فارمولا کوئی نہیں ہوسکدا۔ ٹرمپ آکھیا پئی میں مسلماناں دے خلاف نہیں سگوں انہاں مسلماناں دے خلاف ہاں جیہڑے ات گردیاں کردے نیں۔ ات گردیاں نوں دھرمی ونڈ پاروں ویکھنا اک کوڑ بیانیہ ہے۔ ٹرمپ ناں لتے بغیر یورپ اْتے شامی پناہ گیراں نوں اپنے ملکاں وچ واڑن پاروں تنقیداں کیتیاں۔ اک حکمنامے پاروں عراق، لبیا، ایران،سوڈان، صومالیہ تے یمن توں امریکہ آون والیاں نوں ڈکیا جائے گا۔ ایہہ پہلا مرحلہ ہے۔ ٹرمپ آکھیا سانوں عراق وچ نہیں جانا چاہیدا سی۔ پر ٹرمپ بھل گئے پئی عراق وچ دونوں وار ریپبلکن پارٹی دی سرکار وچ ہی حملے ہوئے سن۔ ٹرمپ نوں صدر وی ایسے پارٹی بنایا ہے۔ چور آپوں کوتوال بن رہیا ہے۔ آپدے ایسے انٹرویو وچ ٹرمپ ہٹلر والی زبان بولی، جیہڑی طالبان نال رلدی ہے۔ انہاں آکھیا پئی اگ دا بمقابلہ اگ نال ہی ہوسکدا ہے۔ پر ٹرمپ دے خلاف سی آئی اے دے پرانے پردھان وی بیان دے چھڈیا ہے اتے امریکی سینیٹ دی آرمڈ سروسز کمیٹی دے پردھان جامکین وی بول اٹھے نیں۔ مکین ہوری تے اوبامہ خلاف ریپبلکن پارٹی ولوں چوناں وی لڑیاں سن۔ انہاں آکھیا ہے پئی اجہے حکمنانیاں دا کوئی اثر نہیں ہوسی۔ اساں ٹارچر نوں مڑپالیسی دا حصہ نہیں بنن دواں گے۔ امریکی سینیٹ نیں جون 2015 وچ نیشنل ڈیفنس آتھرائزیشن ایکٹ وچ ترمیم کیتی سی اتے اوس پاروں ہن تفتیش وچ اوہی ذریعے ورتے جاسکدے نیں جس دا ذکر آرمی فیلڈ مینویل وچ لکھیا ہے۔ دوجے پاسے امریکی نائب صدر مائیکل رچرڈ (مائیک) پنس ہوراں وی امریکہ وچ مسلماناں نوں نہ وڑن دین دی پالیسی نوں غیر آئینی آکھن بارے ٹوئیٹ کر چھڈی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels