Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> 25 لکھ دے انعام لئی پنجابی فکشن دی لکھتاں گھلو

25 لکھ دے انعام لئی پنجابی فکشن دی لکھتاں گھلو

وچار ڈیسک
January 26th, 2017

کنیڈا:ترے سالاں توں پنجابی زبان دے وادھیاں لئی ایہہ ایوارڈ شاہ مکھی تے گور مکھی وچ پنجابی لکھن والے لکھاریاں لئی کم کررہیا ہے۔ ایس ایوارڈ دا ناں ’’ڈھاہاں ایوارڈ‘‘ ہے اتے 2017 دے ایوارڈ لئی لکھتاں منگ لتیا نیں۔ ایس وچ ترے ایوارڈ نیں اتے پہلا 25 لکھ تے باقی دو 5,5 لکھ دے ایوارڈ نیں۔ 5 لکھ والے دو ایوارڈاں وچوں اک اک ایوارڈ شاہ مکھی تے گورمکھی رسم الخطاں وچ لکھی پنجابی لکھتاں لئی نیں۔ جدوں کہ پہلا ایوارڈ دوناں لئی ہے۔ سرائیکی، گوجری، ہندکو، پہاڑی ، پوٹھوہاری لہجیاں وچ پنجابی لکھن والے وی ایس پنجابی ایوارڈ وچ رل سکدے نیں کیونجے ایہہ سب پنجابی دے لہجے نیں۔ 2017 دے ایوارڈ وچ اوہی کتاباں شامل ہون گیاں جیہڑیاں 2016 وچ چھپی نیں۔ ایہہ ایوارڈ پنجابی لکھاریاں لئی ہے اتے کتاب دا ISBN نمبر ہونا لازم جے۔ 5,5 لکھ دے ایوارڈاں لئی دو وکھری جیوریاں شاہ مکھی جیوری تے گور مکھی جیوری کم کررہیاں نیں جہناں دے ناواں نوں لکایا ہویا ہے۔ سنٹرل جیوری وکھری ہے اتے ایس وچ اوہی پنجابی رلتی نیں جیہڑے دونویں پنجابی سکرپٹ پڑھ سکدے نیں۔ ہر سال جیوریاں دے بندے بدلدے نیں۔ ہر کتاب دا پہلا ایڈیشن ہونا لازم ہے اتے ایہہ ناول یا کہانیاں ہوسکدے نیں۔ ہر کتاب دی ترے کاپیاں کنیڈا گھلنیاں ہون گیاں۔ جس بندے نوں 25 لکھ والا وڈا ایوارڈ ملے گا اوہ مڑ ایس مقابلے وچ رلتی نہیں ہوسکدا۔ نکے ایوارڈ جتن والے ایس مقابلے وچ رلتی ہوسکدے نیں۔ کتاباں گھلن دی اخیری تریخ 15 مارچ 2017 ہے۔ ڈھاہاں دا ایڈریس انہاں دی ویب سائٹ دے صفحے http://dhahanprize.com/توں مل سکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels